Քիմ Քարդաշյանը պատմել է, թե ինչ տառապանքների միջով է անցել հանուն Met Gala 2024-ի
Life
Քիմ Քարդաշյանը պատմել է, թե ինչ տառապանքների միջով է անցել հանուն Met Gala 2024-ի, որտեղ հայտնվել է ցնցող կորսետով։
Ռեալիթի շոուի 44-ամյա աստղի պատրաստությունը միջոցառմանը ցուցադրվել է «The Kardashians» վեցերորդ եթերաշրջանի երկրորդ դրվագում:
2024թ.ի Met Gala-ի թեման էր «Ժամանակի այգին»՝ ոգեշնչված Ջ.Ջի Բալարդի պատմությունից, իսկ Քիմը կրում էր Ջոն Գալիանոյի յուրօրինակ մետաղական զգեստը։
Այդ յուրահատուկ հանդերձանքը նաեւ պահանջում էր, որ Քիմը կրի անհավանական կիպ կորսետ: Նա խոստովանել է, որ դա աներեւակայելի ցավոտ էր՝ կորսետը հանելուց հետո ցույց տալով մեջքի վրա գոյացած հետքերը:
Երբ երեկոն ավարտվել է, Քիմը վերադարձել է հյուրանոց, որտեղ հանդիպել է իր երկարամյա վարսահարդար Քրիս Սթեփլթոնին եւ ասել նրան. «Նախկինում երբեք նման ցավ չեմ զգացել»: Սթեփլթոնն ապշած էր՝ ավելացնելով, որ «Քիմը երբեք չի բողոքում», նշելով, որ բոլորը խոսում են այն մասին, թե «որքան բարակ է քո իրանը», մինչդեռ Քիմը բացատրել է, թե ինչու է հանդերձն այդքան ցավոտ եղել։
«Ստիված էի երկու տարբեր տեղերում նստել»,- ասել է Քիմը՝ խոստովանելով, որ պատրաստվում էր «փախչել ընթրիքից առաջ»։
Երբ Քիմը հանգիստ շունչ է քաշել, նա հանել է իր ցավոտ արծաթե կորսետը եւ խնդրել ինչ-որ մեկին լուսանկարել իր մեջքը։ Նրա մեջքը վառ կարմիր էր, մեջքի վրա անցքերի հետքեր եւ կորսետի թելեր կային: Պրոդյուսերը հարցրել է՝ արժե՞ր արդյոք կրել այդ ցավը:
«Այո։ Ես այսպիսին եմ։ Հանուն լավ տեսքի արժե դիմանալ»,- խոստովանել է Քիմը։
1
2
3
4
5
1
2
3
4
5
1
3
4
5
