Միգրանտների արտաքսումը ԱՄՆ-ից կհանգեցնի ֆերմաների ճգնաժամի․ FT
Աշխարհ
Բրիտանական Financial Times թերթը գրում է, որ միգրանտների արտաքսումը կարող է ճգնաժամ առաջացնել ԱՄՆ ֆերմերային տնտեսություններում՝ գյուղատնտեսության աշխատողների սակավության պատճառով՝ նախագահ Դոնալդ Թրամփի նոր վարչակազմի գործողությունների ֆոնին:
Ավելի վաղ ԱՄՆ սահմանային անվտանգության վերահսկիչ Թոմ Հոմանը հայտնել էր, որ Թրամփի նախագահության առաջին շաբաթվա ընթացքում ԱՄՆ-ից արտաքսվել է ավելի քան 4000 միգրանտ։ Ինչպես հայտարարել է Սպիտակ տան աշխատակազմի ղեկավարի տեղակալ Սթիվեն Միլլերը, Թրամփի օրոք ոչ մի անօրինական ներգաղթյալ երկրի համար նշանակություն չի ունենա, և օրինական ներգաղթը իրականացվելու է ընտրովի՝ ելնելով երկրի շահերից։
«Հարավային սահմանից աշխատողներից կախվածությունը բնորոշ է ԱՄՆ գյուղատնտեսությանը: Անօրինական աշխատողներին զանգվածաբար արտաքսելու ցանկացած քայլ էական ազդեցություն կունենա ԱՄՆ պարենային համակարգի վրա և կբարձրացնի սննդի արտադրության արժեքը», գրում է հրատարակությունը՝ վկայակոչելով Միչիգան նահանգի համալսարանի պարենային տնտեսագետ Դանիել Օրտեգային:
Ըստ Օրտեգայի՝ ԱՄՆ-ում ֆերմերային տնտեսությունների աշխատողների մոտ 40%-ն անօրինական է աշխատում։ Միաժամանակ, ինչպես ընդգծում է թերթը, իրենք՝ ամերիկացիները, հետաքրքրություն չեն ցուցաբերում ֆերմերային տնտեսություններում աշխատելու հարցում։ Ինչպես նշում է հրատարակությունը, երկրի կաթնամթերքի արդյունաբերությունն ապացուցել է, որ «հատկապես խոցելի է» աշխատուժի պակասի սպառնալիքի նկատմամբ։
1
2
3
4
5
2
3
4
5
1
3
4
5
