«Ինչո՞ւ եք տրամադրությունս փչացնում»․ Սեյրան Օհանյան (տեսանյութ)

ՀՐԱՊԱՐԱԿ / «Բերեք այսօր անցկացնենք հանդարտ ոգով և անսասան հավատով, որ ամեն ինչ լավ լինի, նաև բոլորի համար, նաև մեր ընկերների, նաև մեր մարտական ընկերոջ՝ Սամվել Բաբայանի համար»․- քվեախցիկից դուրս գալով՝ ասաց պաշտպանության նախկին նախարար, ՕՐՕ դաշինքի ներկայացուցիչ Սեյրան Օհանյանը։

Նրա խոսքերով` բոլոր ընտրախախտումների մասին իրենք արդեն տեղեկացվել են և շտաբը կզբաղվի դրանցով։ Հարցին՝ եթե ընտրակեղծիքների ծավալները մեծ լինեն, ի՞նչ է պատրաստվում անել, Սեյրան Օհանյանն ասաց․ «Չէի ցանկանա, որ մեծ ծավալի լինեին կեղծիքները, ասացի՝ եկեք հավատքով անցկացնենք այս օրը։ Մտահոգիչ ահազանգեր կան, բայց մենք կզբաղվենք։ Օրն անկացնենք, տեսնենք ինչով կավարտվի, ես ցանկանում եմ, որ լավ լինի, հանդարտ լինի և խաղաղություն լինի մեր երկրում»։  Այնուամենայնիվ, Սեյրան Օհանյանը հետընտրական զարգացումներ կանխատեսո՞ւմ է․ «Ինչո՞ւ եք տրամադրությունս փչացնում, ասացի՝ բերեք հանդարտ ոգով, խաղաղությամբ անցկացնենք այս օրը»։

Հաջորդիվ՝ այստեղ