Սուրիկ Խաչատրյանի կրիմինալն այս անգամ Գորիսում իշխանություն չունի. Արսինե Խանջյանը եղել է Գորիսում
Քաղաքականություն
Այսօր վաղ առավոտից Սյունիքի մարզի Գորիս քաղաքում աննախադեպ հանգիստ մթնոլորտ է: Ընտրախախտումների փորձեր, տեղամասերի առաջ կուտակումներ, Գորիս քաղաքին բնորոշ կրիմինալ դեմքեր չկան: Առանձին կուտակումներ եղել են առավոտյան, քանի որ ընտրողների մեծ մասը քվեարկության է գնացել վաղ առավոտյան, սակայն դա խնդիր չի առաջացրել: «Նախկին մարզպետ Սուրիկ Խաչատրյանն իր կրիմինալ թիմակիցներով առանձին փորձեր անում է իր թեկնածուի (Աշոտ Արսենյան. Ս.Հ) համար, սակայն այդ փորձերն առանձնապես հաջողությամբ չեն պսակվում, քանի որ նրանք այլևս լծակներ, իշխանություն չունեն»,- «Առաջին լրատվական»-ի հետ զրույցում ասաց Գորիսի քաղաքապետի նախկին թեկնածու, գործարար Տիգրան Կարապետյանը:
Նրա խոսքերով՝ այն որ Գորիսում ընտրությունները հանգիստ են անցնում, առանց լուրջ խախտումների, արձանագրել է նաև միջազգային դիտորդ, կանադահայ դերասանուհի Արսինե Խանջյանը: Նա առավոտյան եղել է հենց Գորիսի տեղամասում և խախտումներ չի արձանագրել:
Տարբեր տեղամասերում որոշակի խնդիր է առաջանում նույնականացման սարքերի հետ, ընտրողների մատնահետքերը չի արձանագրվում, սակայն մասնագետների միջոցով անսարքությունը վերացվում է :
1
2
3
4
5
1
2
3
4
5
2
4
