Մարդիկ քվեարկել են այն Նիկոլ Փաշինյանի օգտին, ով ասում էր. «Արցախը Հայաստան է և վերջ», այլ ոչ թե այն Փաշինյանի, ով ուրացավ Արցախը. Արա Աբրահամյան

Մարդիկ քվեարկել են այն Նիկոլ Փաշինյանի օգտին, ով ասում էր. «Արցախը Հայաստան է և վերջ», այլ ոչ թե այն Փաշինյանի, ով ուրացավ Արցախը, մահվան բերան ուղարկեց և ճակատագրի քմահաճույքին թողեց մեր հայրենակիցներին:

Փաշինյանը վկայակոչում է ժողովրդին, ով նրան «մանդատ է տվել»: Ոչ ոք նրան չի տվել մանդատ նրա համար, ինչ այսօր անում է Հայաստանում: Մարդիկ չեն քվեարկել Փաշինյանի համար, ով, պլաստմասի կտորը թափահարելով, հանձնում է մեր հողերը՝ խախտելով երկրի Սահմանադրությունը և ի վնաս հայ ժողովրդի շահերի:

Ինչո՞ւ է Փաշինյանը գնում միակողմանի զիջումների՝ չմտածելով հայ ժողովրդի մասին, ոչ մի պայման չի դնում: Նրա մտքով չի՞ անցնում՝ բարձրացնել մեր այն հայրենակիցների կամ Արցախի նախագահների և մյուս ղեկավարներ հարցը, ովքեր այսօր գտնվում են Բաքվի բանտում: Հարց չի՞ բարձրացնում Ռուբեն Վարդանյանի մասին, ում ծննդյան օրն է այսօր: Մենք շնորհավորում ենք նրան, ոգու ամրություն և առողջություն ենք մաղթում և սպասում ենք նրա շուտափույթ ազատմանը:

Իսկ ի՞նչ է դրա համար անում Հայաստանը՝ ոչի´նչ:

 

Հատված Արա Աբրահամյանի՝ «Երկիր մեդիաին» տված հեռուստահարցազրույցից