Իրանի նախագահի ու արտգործնախարարի ողբերգական մահվան կապակցությամբ իրանական կողմին ցավակցելու նպատակով Թեհրան մեկնած Նիկոլ Փաշինյանին ուշագրավ ուղերձներ է փոխանցել Իրանի հոգևոր առաջնորդ Այաթոլլա Խամենեին։
ՀՀ կառավարության մամուլի հաղորդագրության փոխանցմամբ, Նիկոլ Փաշինյանը Թեհրանում ցավակցություն է հայտնել ԻԻՀ նախագահ Սեյեդ Էբրահիմ Ռաիսիի, Արտաքին գործերի նախարար Ամիր Հոսեյն Աբդոլլահիանի և նրանց ուղեկցող անձանց զոհվելու կապակցությամբ՝ նշելով, որ ԻԻՀ նախագահի և ԱԳ նախարարի հետ շփումներից ունի ջերմ հիշողություններ։
«Զրուցակիցները համոզմունք են հայտնել, որ Հայաստանը և Իրանը կշարունակեն ջերմ ու բարեկամական հարաբերությունների զարգացմանը և ընդլայնմանն ուղղված քայլերը` ի նպաստ երկու պետությունների և ժողովուրդների առաջընթացի»,- ասված է հայկական կողմի տարածած հաղորդագրությունում։
Իրանական Irna-ն ներկայացրել է հանդիպման մասին իրանական կողմի հաղորդագրությունը, մասնավորապես նշելով Սեյեդ Ալի Խամենեիի խոսքերը․
«Մեր հանգուցյալ նախագահը շատ զգայուն էր Հայաստանի հետ կապված սահմանային խնդիրների և դրա շուրջ տեղի ունեցող իրադարձությունների նկատմամբ, և այդ զգայունությունն ու հոգատարությունը դեռ պետք է արտացոլվի։ Դա հաշվի առնելով՝ մենք պետք է կարողանանք ապահովել մեր շահերը։ Իրանի և Հայաստանի հարաբերություններն ունեն հակառակորդներ, ուստի երկու երկրների հետ կապված հարցերը պետք է զգուշավորությամբ իրագործվեն»։
Խամենեին նաև մատնանշել է Իրանի և Հայաստանի պատմաաշխարհագրական ընդհանրություններն ու ընդհանուր շահերը՝ ասելով. «Հայաստանի հետ հարաբերություններն ընդլայնելու Իրանի Իսլամական Հանրապետության քաղաքականությունը պետք է շարունակել պարոն Մոխբերի առաջնորդությամբ»։
Ուշագրավ է, որ Խամենեիի այս խոսքերից, որոնք նույնիսկ բարդ է թերագնահատել Հայաստանի համար աշխարհաքաղաքական և ռեգիոնալ ամենածանր ժամանակահատվածում, հաշվի առնելով ՀՀ դաշնակիցների բացակայությունը, որևէ մեկը տեղ չի գտել ՀՀ իշխանությունների տարածած հաղորդագրությունում։
Փաշինյանը, ՀՀ կառավարության փոխանցմամբ, հանդիպել է նաև ԻԻՀ նախագահի ժամանակավոր պաշտոնակատար Մոխամմադ Մոխբերի հետ։
Նկատենք, որ սրանով, ըստ էության, Իրանի համար այս ծանր հանգրվանին և անկայուն ժամանակաշրջանում Իրանի գերագույն հոգևոր առաջնորդ Ալի Խամենեին վերահաստատել է Իրանի Իսլամական Հանրապետության կայուն դիրքորոշումը ՀՀ սահմանների, տարածքային ամբողջականության և ինքնիշխանության վերաբերյալ, ևս մեկ անգամ ընդգծելով, որ այդ դիրքորոշումն անձնավորված չէ, պայմանավորված չէ ոչ ԻԻՀ զոհված նախագահ Իբրահիմ Ռաիսիի, և ոչ էլ արտգործնախարար Ամիր Հոսեյն Աբդոլլահիանի անձով, այլ պետական և ռազմավարական դիրքորոշում է։
Սրանով, ըստ էության, Իրանի գերագույն հոգևոր առաջնորդը փարատում է նաև այս օրերին հայ ժողովրդի շրջանում առկա խորը մտահոգություններն այն զարգացումներից, որոնք եղան օրերս նախագահական ուղղաթիռի կործանմամբ, և այն զարգացումներից, որոնք դեռ հնարավոր են հարևան և բարեկամ իսլամական հանրապետությունում։
Չէ՞ որ Իրանի Իսլամական Հանրապետությունը ներկայիս առաջնորդությամբ եղել է 44-օրյա պատերազմից հետո ՀՀ միակ դաշնակիցը, որը ՀՀ անվտանգությունը հայտարարել է սեփական անվտանգություն, աջակցություն հայտնել ՀՀ սահմանների, տարածքային ամբողջականության անխախտելիությանը, չնայած հանգամանքին, որ ՀՀ իշխանությունները ակտիվ շփումներ են նախաձեռնել Արևմուտքի հետ, ավելին՝ ՀՀ-ում՝ Իրանի հարևանությամբ, ներկայություն տրամադրել Արևմուտքին եվրոդիտորդների տեսքով։
Նշենք, որ Նիկոլ Փաշինյանը ՀՀ ԱԳ նախարար Արարատ Միրզոյանի և փոխվարչապետ Մհեր Գրիգորյանի ուղեկցությամբ ԻԻՀ է մեկնել աշխատանքային այցով, որտեղ կմասնակցի ԻԻՀ նախագահ Էբրահիմ Ռաիսիի, Արտաքին գործերի նախարար Հոսեյն Ամիր Աբդոլլահիանի և նրանց ուղեկցողների հարգանքի տուրքի և ցավակցություն հայտնելու պաշտոնական միջոցառմանը: Ռուսաստանուրքիայի փոխնախագահ Ջևդետ Յըլմազը, ինչպես նաև շուրջ 50 այլ երկրներից պատվիրակություններ։
Առավել մանրամասն` այստեղ.
https://t.me/arm24live
1
2
3
4
5
1
2
3
5
2
5
