«Մենք արհամարհած ունենք մեզ քննադատողներին». Միհրան Պողոսյանի քարոզարշավին մասնակցող հերոսի մայր

ԴԱՀԿ նախկին պետ, օֆշորային սկանդալի հերոս Միհրան Պողոսյանը իր քարոզարշավը նույնպես սկանդալով սկսեց: Նա որոշել էր պատգամավոր ընտրվելու գործին ներգրավել նաև զոհված զինծառայողների ծնողներին, և նրան թվացել էր, թե դա կընդունվի հասարակության կողմից: Բայց ինչպես օրերս երևաց դրա արձագանքներից, ԴԱԿՀ նախկին պետը սուր քննադատության արժանացավ դրա համար, որից հետո հայտարարեց, որ ինքն արգելել է զոհվածների ծնողներին աջակցել իրեն և մասնակցել իր քարոզարշավին: «Առաջին լրատվական»-ը նախօրեին տեղի ունեցածի շուրջ զրուցել է Քանաքեռ-Զեյթուն համայնքում Միհրան Պողոսյանի քարոզարշավը վարող «Ղարաբաղյան պատերազմի վետերանների միություն» կազմակերպության անդամ Ալլա Նիկողոսյանի հետ, ով էլ հերթով բեմահարթակ էր հրավիրում քառօրյա պատերազմում զոհված հերոսների մայրերին, ովքեր արցունքները մի կերպ զսպելով՝ փորձում էին շնորհակալություն հայտնել Պողոսյանին, ով ձմռանն իրենց վառելափայտ է տվել:

– Տիկին Ալլա, ինչո՞ւ էիք հերոսների ծնողներին բերել հրապարակ, որպեսզի գովե՞ն Միհրան Պողոսյանին, և ինչպե՞ս եք վերաբերվում այդ օրերին հնչող քննադատությանն ու պարսավանքին:

– Ոչ մի բան էլ տեղի չի ունեցել: Այդ Պողոսյանի ընդդիմախոսները այդքան ծանր տարան դա, քանի որ Միհրան Պողոսյանը 17 տարի է՝ նրանց կողքին է: Ճիշտ է, նրանց երեխան նոր է զոհվել, բայց Պողոսյանը 17 տարի է՝ նրանց կողքին է, օգնում է: Հիմա էլ եկել է ժամանակը, որ մենք օգնենք նրան: Թող ոչ մեկը վատ չզգա դրանից: Մենք արհամարհած ունենք նրանց, ովքեր քննադատում են մեզ: Եվ հետո՝ այդ ծնողներին ոչ ոք չէր բերել հավաքին: Նրանք, իմանալով, որ Պողոսյանը գալիս է, նստել էին տաքսի և եկել էին լինելու նրա կողքին, ով այս տարիներին իրենց կողքին է: Եկել էին շնորհակալություն հայտնելու Պողոսյանին:

շարունակությունը՝ այստեղ