Կինոյից այն կողմ․ Փարաջանովը եւ նորաձեւությունը ցուցահանդեսը՝ անվանի կինովարպետի 100-ամյակին
LifeՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ի պատիվ հայ կինովարպետ Սերգեյ Փարաջանովի 100-ամյակին՝ ավելի քան 40 հայ դիզայներներ կցուցադրեն բացառիկ ստեղծագործություններ՝ ոգեշնչված արվեստագետի հավերժական արվեստով։
Մայիսի 18-31ը Սերգեյ Փարաջանովի թանգարանը կներկայացնի «Փարաջանովը եւ նորաձեւությունը» ցուցահանդեսը, որը նախաձեռնել է Նորաձեւության եւ Դիզայնի Պալատը Սերգեյ Փարաջանովի թանգարանի հետ համատեղ: Ցուցահանդեսը խոստանում է լինել մեծարանք «Նռան գույնը» եւ «Մոռացված նախնիների ստվերները» գլուխգործոցների հեղինակին:
Ինչպես հուշում է վերնագիրը՝ «Փարաջանովը եւ նորաձեւությունը» ցուցահանդեսը միաձուլում է 20-րդ դարի հայկական արվեստը ժամանակակից նորաձեւության հետ՝ հնարավորություն տալով հայ դիզայներներին վերափոխել թանգարանը հեղինակային զգեստների եւ աքսեսուարների, որոնք արտացոլում են Փարաջանովի արվեստը:
Ցուցահանդեսը հրավիրում է այցելուներին՝ խոստանալով անմոռանալի տպավորություններ: Այն հրաշալի հնարավորություն է նաեւ հայկական նորաձեւությունը ներկայացնել արվեստի համադրությամբ, ինչպես նաեւ հետաքրքրություն առաջացնել հայ դիզայներների եւ հայկական արտադրանքի նկատմամբ մեր երկիր այցելող զբոսաշրջիկների շրջանում: Այսպիսով, կխթանվի հայկական արտադրության ապրանքների սպառումը եւ նորաձեւության ոլորտը, որի պոտենցիալը հսկայական է մեր երկրում:
Նախաձեռնությունն իրականացվում է Գերմանիայի կառավարության պատվիրակմամբ եւ Գերմանական միջազգային համագործակցության ընկերության (GIZ) կողմից իրականացվող «Մասնավոր hատվածի գարգացում եւ մասնագիտական կրթություն եւ ուսուցում Հարավային Կովկասում» ծրագրի աջակցությամբ։
1
2
3
4
5
1
3
4
5
1
3
4
