4 նվեր, որ ճապոնացիները տալիս են միմյանց ամանորին
Հասարակություն
Լսած կլինեք, որ նվերներ տալը շատ կարևոր ու խորհրդանշական գործընթաց է Ճապոնիայում։ Սակայն Ճապոնիան յուրահատուկ են դարձնում ոչ թե նվերների ճոխությունն ու թանկ արժեքը, այլ հոգատարությունն ու դիմացինի համար օգտակար լինելու գաղափարը։ Ձեզ ենք ներկայացնում 4 նվեր, որ տարածված են Ճապոնիայում։
1․Քաղցրավենիք և մրգեր
Բարձրորակ սննդամթերքը, սեզոնային մրգերը և ավանդական ճապոնական քաղցրավենիքը (վագաշի) տարածված նվերներ են։ Գեղեցիկ փաթեթավորմամբ նվեր-տուփը՝ լցված լավագույն տեսակի մրգերով, ինչպիսիք են ճապոնական խուրման, սեխը կամ ելակը, շքեղ նվեր է ցանկացած ընտանիքում։ Իսկ ճապոնական քաղցրավենիքը, կամ վագաշին, կարող է ունենալ զանազան համեր ու ձևեր։ Ավանդական վագաշին, ինչպիսին է մոտին, դորայակին, կամ մատչայի համով քաղցրեղենը, շատ տարածված ընտրություն են։ Քաղցրավենիք կամ մրգեր նվիրելիս հարկ է հիշել, որ գեղեցիկ փաթեթավորումն ու մանրուքներին ուշադրություն դարձնելը առանցքային նշանակություն ունեն՝ ստացողի համար փորձն անմոռանալի դարձնելու համար։
2․ Նորարարական տեխնոլոգիաներ
Ճապոնիայի բնակիչները գնահատում են տեխլոգիական նվերները, որոնք կարող են օգտակար լինել։ Այդպիսի նվերների ցանկում են, օրինակ, խելացի ժամացույցը, որը հետևում է ֆիզիկական ատիվությանը, սրտի աշխատանքին և քնի որակին, ինչպես նաև չափում է արյան մեջ թթվածնի ծավալը և սթրեսի մակարդակը։ Ճապոնիան երկար տարիներ պայքարել է ծխելու մակարդակը նվազեցնելու ուղղությամբ, տաս տարում այն 10%-ից ավել իջեցնելով։Ասում են դրա խթաններից մեկը եղել է տարածում ստացածILUMA-ն։ Ճապոնացի սպառողները հետաքրքրություն են ցուցաբերել այլընտրանքային ծխախոտային արտադրատեսակների ուղղությամբ, որոնք ըստտեղական փորձագետների ավելի քիչ վնասակար տարբերակ են սիգարետի համեմատ։
- Սմարթ հեռախոսներ և աքսեսուարներ
Հայտնի բրենդերի նորագույն սմարթ հեռախոսները նույնպես բավականին տարածված նվեր են։ Ճապոնիան նորագույն տեխնոլոգիաների երկիր է, և մարդիկ հետևում են ամենավերջին նորություններին։ Սմարթ հեռախոները ճապոնացիների կյանքի անբաժան մասն են, և հետևաբար՝ դրանք նվիրելն էլ ընդունված է շատերի կողմից։ Լայնորեն տարածված նվերներ են նաև աքսեսուարները, ինչպիսիք են աղմուկը բացառող ականջակալները, հեռախոսների պատյաններն ու լիցքավորման անլար սարքերը։
4․ Կոսմետիկ միջոցներ
Մաշկի խնամքի և կոսմետիկ միջոցներ նվիրելը Ճապոնիայում կարող է լինել մտածված և լավ ընդունված ժեստ, քանի որ ճապոնական մշակույթը զգալի շեշտ է դնում անձնական hարդարանքի և գեղեցկության վրա: Երկրում նախընտրություն են տալիս հենց ճապոնական ապրանքանիշներին, և հիմնականում նվերները բաղկացած են լինում մի քանի միջոցներից։ Մեծ ուշադրություն է դարձվում այն ապրանքանիշերին, որոնք պարունակում են ավանդաան ճապոնական բաղադրիչներ, ինչպիսիք են կանաչ թեյը, սակուրան և կամելիայի յուղը։ Մեծ տարածում ունի նաև օծանելիքը։
1
2
3
4
5
1
2
4
5
1
3
4
