Խնձորի անհավանական հատկությունները
Life
Խնձորը վիտամինների հսկայական քանակություն, ամինաթթվի 15 տեսակ և չափազանց օգտակար օրգանական միացությունների 40 տեսակ է պարունակում: Խնձորն ավելի հարուստ է պեկտինով (որը ցածրացնում է խոլեստերինի մակարդակը), քան որևէ այլ միրգ կամ բանջարեղեն: Արևմտյան Եվրոպայի մի շարք երկրներում վերջերս անցկացված հետազոտությունները խնձորի մեջ նոր նյութեր` ֆլավոնոիդներ են հայտնաբերել, որոնք ընդունակ են կանխել երակների լայնացումը: Ժամանակակից գիտնականները հաստատել են նաև Հիպոկրատի հանձնարարականները. նա խորհուրդ է տալիս օրգանիզմն ավելորդ ջրից ու աղից մաքրելու համար խնձոր օգտագործել: Բժիշկները խորհուրդ են տալիս այդ միրգն օգտագործել նույնիսկ գլխացավի, բարձր ճնշման դեմ... Ի դեպ խնձորի համն ու նրանում պարունակվող արժեքավոր նյութերի քանակությունը կախված չեն ոչ ծառի, ոչ էլ խնձորի չափերից: Օրինակ, այսպես կոչված դրախտային խնձորիկները, որոնք մեծությամբ բալից քիչ են տարբերվում, պարունակում են ավելի շատ վիտամիններ, քան խնձորի շատ խոշոր տեսակներ: Դրախտախնձորները հում վիճակում գրեթե ուտելի չեն, փոխարենը դրանցից հիանալի մուրաբա է ստացվում:
Հետաքրքիր է, որ խնձորի օգտագործման շրջանակները բազմազան են: Օրինակ, «Խորհուրդ ագարակատիրոջն» ամսաթերթը տեղեկացնում է, որ եթե մի կտոր խնձոր դնեք կարտոֆիլով լի պարկի մեջ, ապա կարտոֆիլը չի ծլի և մինչև գարուն հիանալի կպահպանվի: Կես խնձորը շաքարավազը կպահպանի խոնավությունից: Անհրաժեշտության դեպքում խնձորը լիովին կարող է փոխարինել նաև ատամի խոզանակին: Երբ ձեռքի տակ խոզանակ չկա` համարձակորեն խնձոր կերեք: Ըստ մասնագետների` խնձորում պարունակվող նյութերը մաքրում են ատամի մածուկից ոչ վատ:
1
2
3
4
5
2
3
5
2
5
