Վիտալի Բալասանյանը պետք է գար, որ հաշտեցնե՞ր
Քաղաքականություն
«Հրապարակ»
«Թալին» ջոկատի հրամանատար Սարգիս Կարապետյանն այսօր մամուլի ասուլիսում, անդրադառնալով «Սասնա ծռեր» ջոկատի գործողություններին, ասաց, որ իր համար անհասկանալի է, թե ինչու նրանք գնացին այդպիսի գործողությունների։ «Դրանից հետո Հայաստանը կանգնած էր քաղաքացիական պատերազմի շեմին. Գասպարյան Վովայի բանակը՝ մի կողմ, հայ ժողովուրդը՝ մի կողմ։ Երկու շաբաթից ավել իրար ծեծում-ջարդում, սպանում էին։ Սրանք սպասում էին, որ ինձ նման տղաները կարող են հավաքել իրենց մարտական ընկերներին, գնային այնտեղ, մի քանի հայի սպանեին, մի քանիսին էլ գերի վերցնեին։ Բայց չստացվեց»,- ասաց Սարգիս Կարապետյանը։
Նա հիշեցրեց, որ Ժիրայր Սեֆիլյանը երեք տարի եղել է դաշնակցականների գումարտակի հրամանատարը։ «Ես պարզ հայտարարում եմ, որտեղ կա Ժիրայր Սեֆիլյանն, այնտեղ կա խառնակչություն, այնտեղ կա դավադրություն։ Գուցե ձեր ականջներին սա նոր բան թվա, բայց հայ ժողովրդի համար չբացահայտված վտանգ է Ժիրայր Սեֆիլյանը։ Հայ ժողովրդի համար չբացահայտված թշնամի է։ Սեֆիլյանն այն մարդն է, որ Լեւոն Տեր-Պետրոսյանը պետք է գնար, վստահեր Սեֆիլյանի ողջամտությանը։ Սեղանի վրա դրված էր Արցախի հարցը, Հայաստանից մարդ չկար, պետք է Արցախից Վիտալի Բալասանյանը գար, որ հաշտեցներ»,- ասաց «Թալին» ջոկատի հրամանատարը։
Լրագրողները հակադարձեցին, թե ինչու է Սարգիս Կարապետյանը նման որակումներ հնչեցնում Ժիրայր Սեֆիլյանի հասցեին, չէ՞ որ նա պատերազմի հերոս է։ «Ով իրենց պետք է՝ նրան հերոսի կոչում են տալիս։ Ում ուզում են օգտագործել հայ ժողովրդի դեմ, նրան հերոսի կոչում են տալիս։ Գրիգորյան Մանվելին էլ են հերոսի կոչում տվել, Լիսկային, Շմայսին, հերո՞ս են նրանք։ Ես առաջին օրվանից եղել եմ, Արցախի համար զենք-զինամթերք, ցիստեռներով սալյարկա եմ տարել։ Ես հերոս չէմ, կամավոր եմ։ Էդ որ 100-ավոր հերոսներ կան, ասպետներ, էդ ո՞նց է, որ Արցախը տարեցտարի դատարկվում է, բա էդ հերոսները որտե՞ղ են, չե՞ն նկատում, որ Արցախը դրված է զոհասեղանի վրա։ Հայաստանում մարդ չի մնացել, մնացածի կեսն էլ շպիոն եւ դավաճան են»,- ասաց Սարգիս Կարապետյանը։
Ինչ վերաբերում է Պավլիկ Մանուկյանի գործունեությանն, ապա Սարգիս Կարապետյանը ասաց, որ նա իր մարտական ընկերն է եւ չի ուզում նրա մասին վատ խոսք ասել։
Նա հիշեցրեց նաեւ, որ երբ 1994թ. կնքվեց զինադադար, պետք է հասնեինք Քուռ գետ, գրավեինք Նախիջեւանը, եւ դրանից հետո Ադրբեջանը գոյություն չէր ունենա։ Սակայն, ըստ նրա, այդ ծրագրին խանգարել է Լեւոն Տեր-Պետրոսյանը, որն, իր ասելով, փրկել է Ադրբեջանին։
1
2
3
4
5
1
2
3
4
5
1
3
4
