Անձին տեսակցել ենք հոկտեմբերի 20-ին. Զառա Ամատունին՝ Լևոն Մնացականյանին ադրբեջանական բանտում սպանելու լուրերի մասին
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Կարմիր խաչի միջազգային կոմիտեի հայաստանյան գրասենյակի հաղորդակցության ծրագրերի պատասխանատու Զառա Ամատունին չի կարող մեկնաբանել լուրերը, թե Բաքվի կողմից գերեվարված ԼՂ ՊԲ նախկին հրամանատար Լևոն Մնացականյանը ադրբեջանական բանտում դաժանաբար ծեծի է ենթարկվել և սպանվել:
Նկատենք, որ Մնացականյանի սպանության մասին լուրերը տարածել է ազատամարտիկ, Վոլոդյա Հովհաննիսյանը՝ հայտարարելով, թե սպաների շրջանում լայն տարածում է ստացել այս տեղեկությունը։
Ամատունու խոսքով՝ մասնավոր դեպքերի հետ կապված կոմիտեն որևէ տեղեկություն չի տրամադրում և չի հանրայնացնում։
«Ընդհանուր կարող եմ ասել, որ բոլորին, այդ թվում՝ նաև ձեր նշած անձին, մենք տեսակցել ենք Բաքվում հոկտեմբերի 20-ին։ Այդ ընթացքում բոլոր հարցերն առանձնազրույցների ժամանակ քննարկվել են անձանց հետ։ Դա մեր ստանդարտ ընթացակարգերի շրջանակներում է։ Բացի զրույցներից և պահման պայմանների վերահսկողությունից, նաև յուրաքանչյուրին հնարավորություն է տրվել կապ հաստատել ընտանիքի հետ։ Մենք շարունակ կապի մեջ ենք նաև Հայաստանում նրանց ընտանիքի անդամների հետ։ Իսկ մասնավոր դեպքերի մասով չեմ կարող մեկնաբանություն տալ»,- ասաց նա:
Ինչ վերաբերում է այն հանրային հարցերին, լուրերին, որոնք պտտվում են, Ամատունու խոսքով, որևէ մեկնաբանություն անել չեն կարող, քանի որ ցանկացած հարց, որը վերաբերում է անձանց պահման պայմաններին, նրանց հանդեպ վերաբերմունքին, դրանք քննարկում են այդ երկրի իշխանությունների հետ կոնֆիդենցիալ երկխոսության շրջանակներում, եթե դրա կարիքը կա, և ընտանիքի հետ, իսկ հանրության հետ այդ հարցով որևէ մեկնաբանություն չեն կարող տալ։
«Դա հանրային հարց չէ, այլ մասնավոր է և այդ մարդկանց ճակատագրի հարցն է»,- ընդգծեց Ամատունին։
1
2
3
4
5
1
2
4
5
1
3
4
