Վաղվանից կսկսվեն բողոքի ակցիաները. նախկին վարչապետը դիմեց բանակին
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Մենք վաղվանից սկսում ենք համախմբման ծրագիր, որպեսզի տարբեր քաղաքական հայացքների տեր մարդիկ հասկանան, որ ազգային կոմիտեն որեւէ բանի մենաշնորհ չունի։ Այս մասին սեպտեմբերի 30-ի հանրահավաքում հայտարարեց ՀՀ նախկին վարչապետ Վազգեն Մանուկյանը։
Նա պարզաբանեց, որ վաղվանից հանրահավաքներ ու բողոքի ակցիաներ են լինելու։
«Պատրաստվում եմ հանդիպումներ ունենալ քաղաքական ուժերի եւ հասարակական կազմակերպությունների ներկայացուցիչների հետ։ Մինչեւ հոկտեմբերի 5-ը համայն հայությունը պետք է ցույց տա, որ դեմ է, այսպես կոչված, խաղաղության պայմանագրին։ Մեր նպատակն այն է, որ ուժեղացնենք ժողովրդի կոնսոլիդացիան, որպեսզի բողոքողները շատանան եւ այդ ճնշման տակ իշխող կուսակցության պատգամավորները համապատասխան որոշում կայացնեն։ Պայքարելու ենք մինչեւ հասնենք Փաշինյանի հեռացմանը»ասաց նա։
«Բաքվի եւ Անկարայի հաջորդ նպատակը Սյունիքով միջանցքն է, ապա ողջ Սյունիքը գրավելը։ Հաջորդը նրանք կստիպեն Փաշինյանին հանձնել անկլավները։ Բացի այդ, կարող են Հայաստանը բնակեցնել ադրբեջանցիներով եւ արհեստականորեն սադրանքներ ստեղծել հայերի դեմ ՝ ագրեսիա իրականացնելու համար։
Նիկոլին պետք է փոխել, որպեսզի այդ ամենը թույլ չտա։ Փաշինյանի դեմ պայքարի ցանկացած մեթոդ լեգիտիմ է։
Ոչ մի երկրում չէր կարող տեղի ունենալ այնպիսի բան, որ մարդն այդքան բացահայտ դավաճանի պետությանը եւ պատիժ չկրի»,-նշեց նա։
Նա դիմեց զինծառայողներին․ «Ձեզ, ինչպես եւ Լեւոնին (Մնացականյանին-խմբ.), մի օր եւս ձերբակալելու են։ Ես դիմում եմ գործարարներին, Ձեզ հետ կլինի նույնը, ինչ Ռուբեն Վարդանյանի հետ։ Փաշինյանը պետք է հեռանա ամեն գնով։ Բանա՛կ, ոտքի կանգնիր, թե չէ վաղը ավելի շատ արյուն կթափես»,-ասաց նախկին վարչապետը։
Նրա գնահատմամբ ՝ նոր կառավարությունը պետք է պրագմատիկ լինի, եւ այդ դեպքում հնարավոր կլինի դուրս գալ ստեղծված իրավիճակից:
«Արցախում հայերի ցեղասպանությունը տեղի ունեցավ ռուս խաղաղապահների աչքի առաջ, իսկ Արեւմուտքը սահմանափակվեց ընդամենը մի քանի հայտարարություններով, բայց ոչ մի կերպ չազդեց Բաքվի վրա։ Երկրների համար աշխարհաքաղաքական եւ տնտեսական շահերը վեր են պայմանավորվածություններից, եւ դա նորություն չէ։ Մենք հերթական անգամ ականատես եղանք, որ պետք է միայն մեզ վրա հույս դնենք։ Ով էլ գա իշխանության, պետք է խոսի բոլոր երկրների հետ, նա (Փաշինյանը-խմբ.), վախենալով Ադրբեջանից, պատերազմ է հայտարարում Ռուսաստանին»,-եզրափակեց Մանուկյանը։
1
2
3
4
5
1
3
5
2
