Մենք շարունակական Հայրենական պատերազմի իրավիճակում ենք, ու այս իրողության գիտակցումը շատ կարևոր է. Ռուբեն Վարդանյան

Ադրբեջանը համակարգված ու ավերիչ աշխատանք է իրականացնում մի շարք ոլորտներում. մենք դա տեսնում ենք մշակույթի, տեխնոլոգիանների, կրթության, տեղեկատվական և այլ տիրույթներում: Սա հիբրիդային պատերազմ է, և այո, սա ամենաիրական պատերազմն է։ Նրանց համար՝ կործանելու, մեզ համար`Հայրենական։

Նրանք հետևողականորեն և շատ համակարգված անում են ամեն ինչ, որպեսզի մարդիկ հիասթափվեն, հուսահատվեն, կորցնեն իրենց հայրենիքում ապրելու հավատը։ Նրանք փորձում են իրենց կամքը պարտադրել մեզ՝ կոտրելով մարդկանց, փորձելով ստիպել նրանց լքել Արցախը և փախստական դառնալ, կամ ստիպել նրանց ենթարկվել իրենց օրենքներին։ Գորտը դուրս է ցատկում եռացող ջրից, բայց դանդաղ տաքացվող ջրից դուրս չի ցատկում։ Հենց դա են անում նրանք մեզ հետ:

 

«Արցախի անվտանգության և զարգացման ճակատ» շարժմանը մասնակցում են ամենատարբեր կուսակցությունների և հասարակական կազմակերպությունների ներկայացուցիչներ։ Նրանք մարդիկ են, ովքեր համախմբվել են այդ ընկալման և այն ընդհանուր գաղափարի շուրջ, որ մենք պետք է հավաքենք մեր մտքերը, ամրապնդենք մեր ոգին, կամք դրսևորենք և հասկանանք, որ որքան էլ փոքր լինենք, մենք մեզանից ուժ ենք ներկայացնում, որ մենք կարող ենք հետևողական լինել, որ մենք պատրաստ են պայքարել մինչև վերջ:

 

Քանի որ մեր դեմ պատերազմ են մղում են տարբեր ճակատներում, ուրեմն աշտպանությունը նույնպես պետք է լինի տարբեր ճակատներում։ Մեր պայքարը նշանակում է ոչ միայն Հայրենիքի պաշտպանություն մարտի դաշտում, այլ նաև ցանկություն՝ դառնալ լավագույնը, ամենաուժեղը կրթության, մշակույթի, առողջապահության ոլորտներում, վերականգնել հարգանքը բժշկի, ուսուցչի, զինվորի նկատմամբ, ամրապնդել հիմքը ազգային արժեքները:

 

Մեզանից յուրաքանչյուրը զինվոր է այս Հայրենական պատերազմում, մեզանից յուրաքանչյուրը պաշտպանություն է իրականացնում իր ճակատում՝ ամեն օր, ամեն ժամ։

 

Տեսանյութը հասանելի է անգլերեն և ռուսերեն ենթագրերով`