Վարչապետը որոշումներ է ստորագրել ԱԻՆ-ում մի շարք պաշտոնյաների ազատման մասին

https://www.youtube.com/watch?v=onS54-sji0k

ՀՀ վարչապետ Նիկոլ Փաշինյանը որոշում է ստորագրել Արտյուշ Գրիգորյանին ԱԻ նախարարի առաջին տեղակալի պաշտոնից ազատելու մասին:

«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով, ինչպես նաև հիմք ընդունելով «Կառավարության կառուցվածքի և գործունեության մասին» օրենքում փոփոխություններ և լրացումներ կատարելու մասին» 2022 թվականի դեկտեմբերի 16-ի ՀՕ-457-Ն Հայաստանի Հանրապետության օրենքի 4-րդ հոդվածի 8-րդ մասը՝ Արտյուշ Գրիգորյանին 2023 թվականի հունիսի 30-ից ազատել արտակարգ իրավիճակների նախարարի առաջին տեղակալի պաշտոնից»,- ասված է որոշման մեջ:

Վարչապետի մեկ այլ որոշմամբ Լիլիթ Միրզախանյանն ազատվել է ԱԻՆ գլխավոր քարտուղարի պաշտոնից: «Ղեկավարվելով «Քաղաքացիական ծառայության մասին» օրենքի 16-րդ հոդվածի 1-ին մասով, ինչպես նաև հիմք ընդունելով «Կառավարության կառուցվածքի և գործունեության մասին» օրենքում փոփոխություններ և լրացումներ կատարելու մասին» 2022 թվականի դեկտեմբերի 16-ի ՀՕ-457-Ն օրենքի 4-րդ հոդվածի 8-րդ մասը՝ Լիլիթ Միրզախանյանին 2023 թվականի հունիսի 30-ից ազատել արտակարգ իրավիճակների նախարարության գլխավոր քարտուղարի պաշտոնից»,- ասված է որոշման մեջ:

Վարչապետը նաև որոշում է ստորագրել Արա Նազարյանին ԱԻ նախարարի տեղակալի պաշտոնից ազատելու մասին: «Ղեկավարվելով «Հանրային ծառայության մասին» օրենքի 9-րդ հոդվածի 1-ին մասով, ինչպես նաև հիմք ընդունելով «Կառավարության կառուցվածքի և գործունեության մասին» օրենքում փոփոխություններ և լրացումներ կատարելու մասին» 2022 թվականի դեկտեմբերի 16-ի ՀՕ-457-Ն օրենքի 4-րդ հոդվածի 8-րդ մասը՝ Արա Նազարյանին 2023 թվականի հունիսի 30-ից ազատել արտակարգ իրավիճակների նախարարի տեղակալի պաշտոնից»,- նշված է որոշման տեքստում: