Ովքեր են ընդգրկված «Ծառուկյան» դաշինքի երկրորդ տասնյակում. ցուցակ

«ՀՐԱՊԱՐԱԿ»

Կենտրոնական ընտրական հանձնաժողովը չի շտապում հրապարակել ցուցակները,
իսկ ամենագաղտնապահ կուսակցությունները անգամ սեփական կուսակիցներին չեն հայտնում` որ հորիզոնականում են իրենք: Ամենամեծ անորոշությունն այսօր «Ծառուկյան» դաշինքում է, որտեղ միայն առաջին տասնյակն է հայտնի, ոչ ռեյտինգային
թեկնածուների անուններն են հրապարակել, ոչ էլ համապետական ցուցակը:
Մեզ հաջողվեց պարզել «Ծառուկյան» դաշինքի նախընտրական ցուցակի երկրորդ տասնյակը:

11 Մանուկյան Արթուր Աբրահամի (ԱԺ ԲՀԿ-ական պատգամավոր Աբրահամ Մանուկյանի
կրտսեր որդին)

12 Սարգսյան Լուիզա Աշոտի (դասախոս)

13 Ադամյան Սամվել Ֆրունզի (ԲՀԿ-ի հիմնադիրներից,  կուսակցության աշխատակազմի  նախկին ղեկավարը, ով կարճ ժամանակով լքեց կուսակցությունը, դպրոցի տնօրեն)

14 Մանուկյան Դավիթ Անդրանիկի (Ծառուկյանի փեսան` Անդրանիկ Մանուկյանի որդին)

15 Էնֆիաջյան Վահե Սարգսի (ԱԺ ԲՀԿ-ական պատգամավոր)

16 Պողոսյան Կարինե Համլետի (Հովիկ Աբրահամյանի զարմուհի, ՀՀԿ-ից պատգամավոր)

17 Ղուկասյան Վարդան Կոլյայի (Գյումրիի նախկին քաղաքապետ)

18 Մանուկյան Մելիք Սարիբեկի (ԱԺ ԲՀԿ-ական պատգամավոր)

19 Բագրատյան Սերգեյ Պապաշի (Վայոց ձորի նախկին մարզպետ)

20 Մարգարյան Մարինա Միտուշի (ԵՊԲՀ դասախոս)

21 Սիմոնյան Մերուժան Համլետի (ԱԺ ԲՀԿ-ական պատգամավոր)

Այս տասնյակի գլխավոր նորությունը կանայք են: Լուիզա Սարգսյանը ռուսերենի մասնագետ է, դասախոսում է Հայաստանի պետական ճարտարագիտական համալսարանում` Պոլիտեխնիկում: ԲՀԿ-ականները ասում են, որ նրան ներկայացրել են որպես կուսակցության նվիրյալ, ով սպորտային միջոցառումների կազմակերպման գործում մեծ աշխատանքներ է տարել: Իսկ Կարինե Պողոսյանը նախկին վարչապետ Հովիկ Աբրահամյանի մորաքրոջ աղջիկն է, ով ՀՀԿ-ն լքեց Արգամիչից հետո: Նա նաեւ ՀՀԿ Արարատի տարածքային խորհրդի նախագահն էր: