«Ինձ բացի իմ հորից ու մորից, ոչ մեկը չի կարող ճնշել»․ Կադիլակ Սերոժը չի առաջադրվի
Քաղաքականություն
«Փաստ» օրաթերթ
Կադիլակ Սերոժը հետ է կանգնել առաջադրվելու մտքից
Շենգավիթ վարչական շրջանի նախկին ղեկավար, նախկին ՀՀԿ–ական Սարգիս Հովհաննիսյանը (Կադիլակ Սերոժ), ով «Փաստին» տված հարցազրույցում ասել էր, թե պատրաստվում է առաջադրվել «Հայկական վերածնունդից» Շենգավիթ–Մալաթիա ընտրատարածքում, բավական կտրուկ հետ է կանգել իր որոշումից: Մինչդեռ այդ մասին անգամ մամուլում հայտարարել էր ընդդիմադիր ՀՎԿ–ն:
«Ես ձեզ հայտարարում եմ, որ չեմ առաջադրվելու: Դա իմ որոշումն է»,– երեկ «Փաստին» ասաց Սարգիս Հովհաննիսյանը՝ չցանկանալով մեկնաբանել որոշումը: Հարցին, թե հնարավոր է իրեն ՀՎԿ–ից կամ ՀՀԿ–ից ճնշել են, օրինակ, մեր հարցազրույցում տրված գնահատականների առթիվ, Սարգիս Հովհաննիսյանը նման պատասխան տվեց. «Ո՞վ ճնշի: Ինձ բացի իմ հորից ու մորից, մեկ էլ իմ կնոջից ու երեխեքից, ոչ մեկը չի կարող ճնշել: Ես տե՞նց տղա եմ, որ կարող են ինձ ճնշեն: Տենց տպավորությո՞ւն եմ թողել իմ ապրած կյանքով: Իմ վրա ո՞վ կարող էր ճնշում գործադրել»:
Նշենք, որ հարցազրույցում ընդդիմադիր ՀՎԿ–ի նախկին թեկնածու Հովհաննիսյանն ասել էր. «Ընդդիմադիր հասկացողությունն իմ համար չի: Ի՞նչ ասել ա` ընդդիմադիր, ընդդիմադիր ես Ադրբեջանին եմ շատ փիս տրամադրված, թուրքերին, բայց ստեղ մենք մեկս մյուսի նկատմամբ ի՞նչ ընդդիմադիր ունենք»: Իսկ ՀՀԿ–ից հրաժարվելու առթիվ հավելել. «Իրանք գիտեին, որ հրավիրեին էլ, չէի համագործակցելու: Տարածքային ՀՀԿ–ականներ կան որոշ, որ իրանց հետ չեմ քայլի»:
Շարունակությունը` օրաթերթի այսօրվա համարում:
1
2
3
4
5
2
4
5
1
3
4
