Տարօրինակ բաներ են կատարվել Գագիկ Խաչատրյանի հետ կապված
Տնտեսություն
«Հայկական ժամանակ» օրաթերթը գրում է.
«ՀՀ ֆինանսների նախկին նախարար Գագիկ Խաչատրյանի հետ սերտորեն փոխկապակցված ընկերությունների հետ տարօրինակ բաներ են կատարվել անցած տարվա ընթացքում: Դրանցից մի քանիսն այլևս չկան 1000 խոշոր հարկատուների ցանկում:
Նախկին մեգանախարարին պատկանող «Մեգամոթորս» և «Մեգակոնցեռն» ընկերությունները 2016 թ. խոշոր հարկատուների ցանկում բացակայում են: «Մեգասպորտ» ընկերությունը վճարել է 163 միլիոն դրամի հարկ այն դեպքում, երբ նախորդ տարի վճարել էր 218 միլիոն դրամ: Վճարած հարկերի մակարդակով իր դիրքերը դեռ պահել է «Մեգաֆուդ» ընկերությունը, որը թե՛ անցած և թե՛ նախորդ տարի վճարել էր 1.07 միլիարդ դրամի հարկ: Գագիկ Խաչատրյանի հետ փոխկապակցված մեկ այլ ընկերություն` «Ապեյրոնը» անցած տարի վճարել է 880 միլիոն դրամ, նախորդ տարվա 900 միլիոն դրամի փոխարեն:
Ընդհանուր առմամբ վերը նշված ընկերություններից պետբյուջեն անցած տարի ստացել է 2.1 միլիարդ դրամ, նախորդ տարվա 2.5 միլիարդ դրամի փոխարեն, կամ 16 տոկոսով պակաս: Գագիկ Խաչատրյանի ազդեցությունը թուլացավ անցած տարվա մարտին, երբ ՊԵԿ-ը հանվեց նրա ղեկավարած ֆինանսների նախարարության կազմից, իսկ սեպտեմբերին նա հրաժեշտ տվեց նաեւ ֆիննախարարի պաշտոնին: Ներկայումս նա որեւէ պետական պաշտոն չի զբաղեցնում, իսկ ըստ որոշ լուրերի, մտադրություն ունի հեռանալ Հայաստանից»:
1
2
3
4
5
1
2
3
4
5
1
3
4
5
