Կիևը հայտնել է, թե Ուկրաինան օրական քանի զինծառայող է կորցնում
Աշխարհ
Ուկրաինան օրական 30-50 զինծառայող է կորցնում։ Այս մասին հաղորդում է ՏԱՍՍ գործակալությունը՝ հղում անելով Ուկրաինայի նախագահի գրասենյակի ղեկավարի խորհրդական Միխայիլ Պոդոլյակին։
«Ես կարծում եմ, որ կորուստները կազմում են մոտ 30-50 մարդ », – ասել է նա BBC-ի ուկրաինական ծառայությանը տված հարցազրույցում։
Պոդոլյակի խոսքերով օրական զոհերի թիվը կրճատվել է 2,5-3 անգամ։ Նախկինում Ուկրաինայում օրական 100-200 զինծառայող էր զոհվում։
Ավելի վաղ նա հայտնել էր, որ Ուկրաինայում օրական մինչև 200 զինվոր է զոհվում։ Իսկ Ուկրաինայում իշխող «Ժողովրդի ծառա» կուսակցության խմբակցության ղեկավար Դավիթ Արախամիայի խոսքերով՝ Ուկրաինայում օրական 200-500 մարդ է զոհվում։
Հունիսի 10-ին Ուկրաինայի նախագահի գրասենյակի ղեկավարի խորհրդականն առաջին անգամ հրապարակեց զոհերի ընդհանուր թիվը՝ մոտ 10 հազար մարդ։ Նրա տվյալներով մոտ 30 հազար վիրավոր կա։
Հուլիսի 15-ին Ուկրաինայի պաշտպանության նախարար Ալեքսեյ Ռեզնիկովը նշել է, որ ամենաշատ կորուստները Ուկրաինան ունեցել է մայիս ամսին։ Օրական զոհվել է 100 մարդ և վիրավորվել՝ 300-400-ը։ Միևնույն ժամանակ Ուկրաինայի իշխանությունները նշել են, որ զոհերի թիվը հանդիսանում է պետական գաղտնիք, որը ռազմական դրության պայմաններում հրապարակման ենթակա չէ։
1
2
3
4
5
1
2
3
4
5
1
3
4
5
