Ֆուտբոլային աշխարհը փոքր է և մենք դեռ կհանդիպենք. Գևորգ Ղազարյանի հրաժեշտի խոսքը՝ «Փյունիկ»-ին
Սպորտ
Ինչպես արդեն տեղեկացրել էինք՝ «Փյունիկ» ՖԱ-ից հեռացել է կիսապաշտպան Գևորգ Ղազարյանը: Ֆուտբոլիստի հետ պայմանագիրը խզվել է երկկողմ համաձայնությամբ։
Ղազարյանը ֆեյսբուքյան իր էջում հրաժեշտի խոսք է հղել ակումբին և երկրպագուներին։
««Փյունիկի» սիրելի երկրպագուներ, ֆուտբոլիստներ, աշխատակազմ և ղեկավարություն, եկավ այն պահը, որ պետք է հրաժեշտ տամ իմ հարազատ ակումբին: 2021թ. միանալով «Փյունիկին», ջանք ու եռանդ չեմ խնայել լավագույնս հանդես գալու և «Փյունիկի» գույները բարձր պահելու համար, ինչի արդյունքը եղավ առաջնությունում տարած հաղթանակը և չեմպիոնական գավաթը կրկին հարազատ վայր վերադարձնելը:
Շնորհակալ եմ պարոն Սողոմոնյանին ինձ իմ հարազատ ակումբ հրավիրելու և վստահության համար: Շնորհակալություն աշխատակազմին հիանալի ընդունելության և բարձր պրոֆեսիոնալիզմի համար: Շնորհակալություն երկրպագուներին անմնացորդ աջակցության և վստահության համար, որի պակասը ես չեմ զգացել: Միասին մենք ապացուցեցինք, որ ուժեղ ենք ենք և կարող ենք հասնել մեր առջև դրված նպատակներին:
Սա դեռ վերջը չէ: Ֆուտբոլային աշխարհը փոքր է և մենք դեռ կհանդիպենք: Եվս 1 անգամ շնորհակալություն եմ հայտնում և հաջողություն մաղթում «Փյունիկին» ապագայում:
Լավագույն մաղթանքներով՝ Գևորգ Ղազարյան»,- գրել է ֆուտբոլիստը:
1
2
3
4
5
2
3
4
5
1
3
4
5
