Թուրք տղամարդը պնդում է, թե Ադելի հայրն է
Life
Թուրքիայի ծովափնյա Բոդրում քաղաքում բնակվող 52-ամյա Մեհմեդ Ասարը հայտարարել է, թե հենց ինքն է բրիտանացի հայտնի երգչուհի Ադելի կենսաբանական հայրը: Այս մասին հաղորդում է թուրքական «Հյուրրիյեթ»-ը:
Թուրք տղամարդը հայտնել է, որ Ադելի մայրն աղջկա ծնվելուց մեկ տարի առաջ` 1987թ.-ին, ամառային հանգստի նպատակով եկել է Բոդրում, որտեղ Մեհմեդն աշխատում էր որպես տաքսու վարորդ:
«Փենի Էդկինսին և իր ընկերներին ամբողջ Բոդրումով պտտեցրի: Այդ ընթացքում հավանեցինք միմյանց, սիրեցինք: Երկու շաբաթ միասին ենք եղել: Ավելի ուշ նա Բրիտանիա վերադարձավ, դրանից հետո ևս երկու անգամ եկավ Թուրքիա: Վերջին անգամ գնալիս ինձ էլ ցանկացավ տանել հետը, սակայն ես ասացի, որ ուզում եմ մնալ Բոդրումում և առաջարկեցի այստեղ մնալ: Նա գնաց Բրիտանիա, դրանից հետո մի քանի անգամ հեռախոսով շփվել ենք, այն ժամանակ միջազգային հեռախոսազանգերը շատ թանկ էին, մեր կապը կտրվեց», - պատմել է Մեհմեդ Ասարը, որը պնդում է, թե բրիտանացի կնոջ հետ սիրավեպն ու Ադելի ծննդյան թիվը ճշգրտորեն համընկնում են:
«Երբ հեռուստացույցով տեսա երգչուհի Ադելի ընտանիքը` շոկ ապրեցի: Հասկացա, որ նրա մայրն այն նույն կինն է, ում ես սիրել եմ: Անցել են շատ տարիներ, բայց նա չի փոխվել», - ասել է Ասարը:
Նա նաև երաժիշտ է. սազ է նվագում և երգում թուրքական ժողովրդական երգեր: Տղամարդը պնդում է, որ Ադելի ձայնի տոնայնությունը նույնպես նման է իրեն, և «դա կարող է ժառանգական լինել»:
1
2
3
4
5
1
2
4
5
1
3
4
