Շարմազանովի ակնարկը Հովիկ Աբրահամյանին
Քաղաքականություն
Հայաստանի Հանրապետական կուսակցությունում արտառոց ոչինչ չեն տեսնում Հովիկ Աբրահամյանի` ՀՀԿ-ն լքելու որոշման մեջ: «Արմենպրես»-ի հետ զրույցում ԱԺ փոխնախագահ, ՀՀԿ գործադիր մարմնի անդամ Էդուարդ Շարմազանովն ընդգծեց, որ ՀՀԿ-ն ժողովրդավարական արժեքներ դավանող կուսակցություն է, և կուսակցության յուրաքանչյուր աՍ դամ իրավունք ունի որոշել իր քաղաքական ապագան:
«Առաջին անգամը չէ, որ Հայաստանի Հանրապետական կուսակցության անդամները, նաև նախկին պաշտոնյաներ, լքում են կուսակցությունը: Պարոն Աբրահամյանը նման որոշում է կայացրել, դա նրա իրավունքն է: Միջազգային պրակտիկայում էլ կան նման դեպքեր, երբ հայտնի քաղաքական գործիչները լքում են իրենց կուսակցությունները, այնպես որ մենք այստեղ արտառոց որևէ բան չենք տեսնում: Քանի դեռ նա ամբողջությամբ չի ներկայացրել, թե ինչո՞ւ է նման որոշում կայացրել, ավել բան չեմ կարող ասել», ասաց Շարմազանովը:
Նա հավելեց, որ Հովիկ Աբրահամյանի հեռանալը չի թուլացնում կուսակցության դիրքերը` ընդգծելով, որ իրենք համախմբվում են ՀՀ նախագահ, ՀՀԿ առաջնորդ Սերժ Սարգսյանի շուրջ և գնալու են նորանոր հաջողություններ արձանագրելու ճանապարհով
«Հայաստանի Հանրապետական կուսակցության հիմնադիր, լուսահոգի Աշոտ Նավասարդյանն ասում էր, որ Հանրապետական կուսակցություն մտնում են ոչ թե վերցնելու այլ տալու համար: Նա ասում էր, որ այս կուսակցություն մտնում են իրենց էներգիան, ժամանակը, քրտինքը տալու, այնպես որ մենք շարունակելու ենք վստահորեն առաջ շարժվել», ընդգծեց Էդուարդ Շարմազանովը:
ԱԺ փոխնախագահն ընդգծեց, որ իրենք չեն կարող ժխտել Հովիկ Աբրահամյանի մեծ դերակատարումը կուսակցության զարգացման գործում, բայց կյանքն առաջ է գնում, իսկ իրենք զբաղված են ներկուսակցական աշխատանքների կազմակերպմամբ, առաջիկա խորհրդի նիստի կազմակերպչական աշխատանքներով:
«Հայաստանի Հանրապետական կուսակցությունն առաջիկա ընտրություններին կգնա ավելի ուժեղացած: Մեր կուսակցությունը շարունակում է մնալ Հայաստանի առաջատար քաղաքական ուժը և դրանում բոլորը կհամոզվեն ապրիլի 2-ի երեկոյան», նշեց Շարմազանովը:
Նա նաև հայտնեց, որ զրուցել է Հովիկ Աբրահամյանի հետ, սակայն քաղաքական հարցեր չեն քննարկել:
1
2
3
4
5
2
4
5
1
3
4
