Ձվարանների քաղցկեղ սկսվելու 4 ախտանշան
Life
Ձվարանների քաղցկեղը քաղցկեղի ամենանենգ տեսակներից մեկն է, քանի որ այն կարող է երկար ժամանակ ոչ մի ախտանշան չունենալ, եւ կինը, մտածելով, որ լիովին առողջ է, բժշկի չի դիմի ու բուժում չի ստանա:
Ֆիլադելֆիայի քաղցկեղի հետազոտական կենտրոնի գիտնականները մի շարք ածխտանշաններ են ներկայացրել, որոնք պետք է կանանց մոտ տագնապ առաջացնեն եւ գինեկոլոգի մոտ հերթագրվելու առիթ դառնան: Բնականաբար, այս ախտանշանները բավական ընդհանրական են եւ կարող են մի ամբողջ շարք հիվանդություններ ցույց տալ: Այդուհանդերձ, եթե ձեզ մոտ ստորեւ թվարկվող ախտանշաններից մեկը կամ մի քանիսը նկատել եք, ցանկալի է գոնե սեփական հանգստության համար բժշկի հետ խորհրդակցել:
Փորի փքվածություն կամ թեթեւակի ուռածություն
Փորի փքվածությունը եւ փորի շրջանում թեթեւակի ուռածության առաջացումը կարող են նշանակել ձվարանների խնդիրներ: Իհարկե, դա կարող է նաեւ աղիների խնդիրների ախտանշան լինել, կամ ընդահանրապես նորմայի տարբերակ, սակայն համենայնդեպս բժշկի հետ խորհրդակցելը չի խանգարի:
Ցավեր փորում եւ թիկունքում
Խնդիրների մասին կարող են վկայել նաեւ թիկունքում եւ փորի ստորին հատվածում երկարատեւ ցավերը, ինչպես նաեւ սեքսի ժամանակ առաջացող ցավերը:
Դաշտանային ցիկլի խանգարումներ
Դաշտանային ցիկլի խանգարումները կարող են տարբեր պատճառներ ունենալ՝ սթրեսից եւ հորմոնալ խնդիրներից սկսած մինչեւ օնկոլոգիական հիվանդություններ: Հետեւաբար, եթե ձեր ցիկլում ինչ-որ բան խանգարվել է, գինեկոլոգի հետ խորհրդակցեք:
Սնվելու խնդիրներ
Սնվելու խնդիրները, արագ կշտանալու զգացումը, քաշի հանկարծակի կորուստը (առանց որեւէ ջանք գործադրելու) նույնպես կարող են ցույց տալ օրգանիզմում խնդիրների առկայության մասին, հետեւաբար այս ախտանշանները նույնպես ուշադրության արժանի են:
Բժիշկների խոսքով՝ եթե այս ախտանշաններից ցանկացածը 2 շաբաթից ավելի է տեւում, դա արդեն մասնագետին դիմելու առիթ է:
1
2
3
4
5
1
2
4
5
1
3
4
