«Իմ խոսքը միշտ էլ դաժան է լինում, որի պատճառով սարսափի մեջ են ընկնում»
Քաղաքականություն
«ՀՐԱՊԱՐԱԿ»
ՀՀ սպորտի և երիտասարդության հարցերի նախարարի տեղակալ, «Հայոց Արծիվներ» հայրենասիրական հասարակական կազմակերպության հիմնադիր նախագահ Խաչիկ Ասրյանը նախընտրական այս լարված շրջանում գտնվում է մարտական դիրքերում։ «Հիմա մարտական հենակետերում միջոցառումների եմ՝ բանակի տոներին նվիրված»,-«Հրապարակ»-ի հետ զրույցում հայտնեց Խաչիկ Ասրյանը։
Նրա խոսքով՝ մի քանի օր սահմանագծում է լինելու, այնտեղ չի կարող պատասխանել հարցերին․ «Այս կյանքում չկա ոչ մի հարց, որին ես պատասխան չունենամ, պարզապես շատ դեպքերում իմ ճիշտ խոսքը միշտ էլ դաժան է լինում, որի պատճառով էլ Հայաստանի քաղաքական դաշտը սարսափի մեջ է ընկնում, հիմա թող մի քիչ շունչ քաշեն»։
Իսկ թե երբ կվերադառնա մարտական հենակետերից, Խաչիկ Ասրյանն ասաց, որ ազգի նվիրյալների ժամանակացույցը հայտնի է միայն Աստծուն․ «Նախապես իմ գալու մասին ոչինչ չեմ կարող ասել»։
Հարցին, թե լինելով դիրքերում` ետ չի մնա նախընտրական, քաղաքական թեժ անցուդարձից, Խաչիկ Ասրյանն ասաց, որ 1992 թ․ մինչ օրս գրեթե ամեն շաբաթ «Արծիվներով» այցելում են Հայաստանի և Արցախի սահմանագծի մարտական հենակետեր և ոգեշնչում, խրախոսում, պարգևատրում զինվորականներին․ «Ուղիղ 25 տարի՝ առանց շոուներ սաքելու և լուսաբանելու, հայոց սուրբ սահմանները մեզ համար տուն էին։ Ամեն օր իմ Հայաստանի և իմ Արցախի, իմ հայ ժողովրդի անվտանգությունը անսասան պաշտպանող զինվորին իմ կողմից ոգեշնչելն ու պարգևատրելը ինձ համար ամենամեծ նախընտրական անցուդարձն է։ Իսկական մնայուն և հավերժական Հայաստանը մեր սահմանագծի սուրբ հողն է»:
1
2
3
4
5
2
4
5
1
3
4
