Բազմահարկ շենքի փլուզման հետեւանքով տուժածների թիվը հասել է 200-ի․ Տեսանյութ
ԱշխարհԹեհրանում հրդեհից բազմահարկ շենքի փլուզման հետեւանքով տուժածների թիվը հասել է 200-ի, հայտնում է ԻՐՆԱ–ն։
Զոհվածների մասին տվյալները դեռեւս հստակ չեն։ Մտավախություններ կան, որ շատ հրշեջներ զոհվել են շենքի փլուզման հետեւանքով։
Այս պահին հայտնի չէ նախքան շենքը փլուզումն այնտեղ գտնվող հրշեջների թիվը։
Հաղորդվում է, որ ավելի քան 200 տուժած է հոսպիտալացվել։ Նախազգուշական միջոցառումների շրջանակում տարհանվել են մոտակայքում գտնվող Թուրքիայի, Գերմանիայի եւ Մեծ Բրիտանիայի դեսպանատների աշխատակիցները։
Ավելի վաղ NEWS.am-ը հայտնել էր, որ Թեհրանում հրդեհից փլուզվել է կեսադարյա վաղեմություն ունեցող Plasco շենքը։
Շենքում հրդեհը բռնկվել էր 9-րդ հարկում եւ արագորեն վերեւ տարածվել։ Կրակից հալվել էին պողպատյա կառույցները, ինչի հետեւանքով շենքը փլուզվել է։
Plasco–ում տեղակայված էին հագուստի արտադրամասեր եւ այլ կոմերցիոն հաստատություններ։ Շենքը կառուցվել էր 53 տարի առաջ։
Թեհրանի ամենահին բարձրահարկը համարվող 17-հարկանի Plasco շենքում հրդեհը բռնկվել էր տեղական ժամանակով ժամը 8-ին։ Մոտ 200 հրշեջներ 3.5 ժամ պայքարում էին հրդեհի դեմ։
1
2
3
4
5
1
4
5
1
3
4
