ՆԱՏՕ-ի ՀՕՊ համակարգը չի նկատել անդամ երկրների վրայով մեկ ժամ թռչող ԱԹՍ-ն
ԱշխարհՈւկրաինայի տարածքից արձակված անօդաչու թռչող սարքը մեկ ժամից ավելի թռչել է ՆԱՏՕ-ի ճամբարի օդային տարածքում, որը չեն նկատել հակաօդային պաշտպանության համակարգերը։ Սարքը Խորվաթիայի մայրաքաղաքում վթարի է ենթարկվել, երբ վառելիքը վերջացել է։ Այս մասին ասել է Խորվաթիայի նախագահ Զորան Միլանովիչը։
«Փաստերը կհաստատվեն։ Ինչպես է հնարավոր, որ հին տեսակի ինքնաթիռը մեկ ժամից ավելի անցկացնի ՆԱՏՕ-ի անդամ երկրների երկնքում, և ոչ ոք դա չնկատի»,- ասել է Միլանովիչը մամուլի ասուլիսում։
Նախագահի խոսքով՝ ոստիկանական հետաքննությանը միացել են զինվորական ծառայությունները։ Նա նշել է, որ օբյեկտը Հունգարիայի վրայով թռել է ավելի քան 40 րոպե, որից հետո 7 րոպե անցկացրել է Խորվաթիայի օդային տարածքում։ Ըստ Զագրեբի իշխանությունների՝ դա խորհրդային արտադրության Tu-141 Strizh անօդաչու թռչող սարք է։ Թե որ բանակին էր այն պատկանում, չի նշվում։
Հիշեցնենք, որ ուրբաթ գիշեր Զագրեբի թաղամասերից մեկում անհայտ առարկա է ընկել։ Ականատեսները հայտնել են պայթյունի մասին, որի հետևանքով վնասվել են մի քանի մեքենաներ, սակայն տուժածներ չկան։
1
2
3
4
5
1
2
3
4
5
1
3
4
5
