Մոսկվան պաշտպանության ոլորտում կհամագործակցի և՛ Բաքվի, և՛ Երևանի հետ. փորձագետ

regnum.ru-ն գրում է, որ Ռուսաստանը կշարունակի հավատարիմ մնալ Հայաստանի և Ադրբեջանի հետ ռազմական համագործակցության քաղաքականության հավասարությանը: Այդ մասին REGNUM-ի թղթակցին ասել է քաղաքագետ, kavkazoved.info կայքի գլխավոր խմբագիր Անդրեյ Արեշևը։

«Պետք է նայել, թե կոնկրետ ինչ բովանդակություն է լրացվելու ռուս-ադրբեջանական հռչակագրի ռազմական, ռազմաքաղաքական և ռազմատեխնիկական համագործակցության կետերով։ Գաղտնիք չէ, որ Ադրբեջանը բավականին մեծ քանակությամբ ռուսական զենք է ձեռք բերել, ինչպես նաև գնումներ ունի այլ երկրներից։ Եվ մենք գիտենք, որ պահեստամասերի սպասարկումն ու մատակարարումը երկկողմ համագործակցության բավականին նշանակալից և երկարաժամկետ մասն է, չեմ բացառում, որ դրա օգնությամբ Մոսկվան կձգտի ինչ-որ կերպ դեպի իրեն գրավել Բաքվին։ Լեռնային Ղարաբաղում 44-օրյա պատերազմից հետո փոխված իրավիճակի և հայկական բանակի վերազինմանը ռուսական կողմի ակտիվ մասնակցության համատեքստում, համենայն դեպս, հայտարարվում է կիսապաշտոնական մակարդակով, նման քայլերը ցույց են տալիս, որ Մոսկվան մտադիր է որոշակի հավասարություն պահպանել Բաքվի և Երևանի հետ, որը Ռուսաստանի բավականին հետևողական գիծն է վերջին մեկուկես-երկու տասնամյակների ընթացքում»,- ասել է փորձագետը։

Հիշեցնենք, որ փետրվարի 22-ին Մոսկվայում Ռուսաստանն ու Ադրբեջանը ստորագրել են Դաշնակցային համագործակցության մասին հռչակագիր, որի մի քանի հոդվածներ վերաբերում են նաև ռազմական ոլորտում համագործակցությանը։

Նյութը հրապարակման պատրաստեց Կամո Խաչիկյանը