Այսօր լրանում է Մարտի 1-ի իրադարձությունների 14 տարին
Հասարակություն2008 թվականի փետրվարի 19-ի ՀՀ նախագահական ընտրություններից հետո մայրաքաղաք Երևանում Ազատության հրապարակը դարձյալ բազմամարդ էր. նախագահի թեկնածու և ՀՀ առաջին նախագահ Լևոն Տեր-Պետրոսյանի կողմնակիցները չէին ընդունում ընտրությունների արդյունքները. ԿԸՀ-ն հայտարարել էր Սերժ Սարգսյանի հաղթանակի մասին:
Կազմակերպված բողոքի ակցիաները շարունակական դարձան։ Լևոն Տեր-Պետրոսյանի կողմնակիցները պահանջում էին վերահաշվարկել քվեները։
10 օր շարունակ շուրջօրյա հանրահավաքները մարտի մեկին ավարտվեցին արյունալի իրադարձություններով. լուսաբացից առաջ Երևան քաղաքի Ազատության հրապարակում ոստիկանական ուժերի կողմից իրականացվեց «տեղանքի հետազոտում» օպերատիվ հետախուզական միջոցառում, որի ընթացքում բազմահազար խաղաղ ցուցարարներ ստիպված հանգրվանեցին Մյասնիկյանի արձանի հարակից տարածքում:
Խաղաղ ցուցարարների թիվն ավելի էր աճել, և արդեն ցերեկը պաշտպանության նախարարության ստորաբաժանումներն իրենց տեխնիկայով, ինքնաձիգներով զինված, տեղակայվեցին Հանրապետության հրապարակում, Տիգրան Մեծ, Մելիք-Ադամյան և այլ փողոցներում:
Փաստացի հաստատված ռազմական դրության պայմաններում, նույն օրը՝ երեկոյան, Զինված ուժերը և ոստիկանության ստորաբաժանումները Երևանի կենտրոնական փողոցներում զենքի, պայթուցիկ նյութերի և հատուկ միջոցների գործադրմամբ իրականացրեցին հատուկ միջոցառումներ խաղաղ հավաքը ցրելու, անզեն ցուցարարներին փողոցներից հեռացնելու ուղղությամբ:
Հրազենի, ռազմամթերքի, պայթուցիկ նյութերի և հատուկ միջոցների գործադրման հետևանքով հարյուրավոր մարդիկ ստացան ծանրության տարբեր աստիճանի մարմնական վնասվածքներ, պետությանը, Երևան համայնքին և քաղաքացիներին պատճառվեց առանձնապես խոշոր չափերի գույքային վնաս: Տեղի ունեցած գործողությունների և իրադարձությունների ընթացքում զոհվեց 10 հոգի` 2 ոստիկան, 8 քաղաքացիական անձ։ Վիրավորվեցին հարյուրավոր ոստիկաններ, զինծառայողներ և քաղաքացիական անձինք:
2008 թվականի մարտի մեկից անցել է 14 տարի, մեղադրանքներ են առաջադրվել նախկին պաշտոնյաների, գործը դեռևս բացահայտված չէ:
Այսօր Ազգային ժողովի նիստին պատգամավորները մեկ րոպե լռությամբ հարգեցին Մարտի մեկի զոհերի հիշատակը:
1
2
3
4
5
2
3
4
5
1
3
4
