Մերձմոսկվայում հայ աղջիկ է առևանգվել․ տեսանյութ

Արդեն 2 օր է` ռուսական ԶԼՄ-ներում շոշափվում է այն տեղեկությունը, որ ՌԴ Սոլնեչնոգորսկ շրջանում ապրող հայ գործարար Սարգսյանի դստերն` Աննա Եղունյանին առևանգել են հունվարի 16-ին ու մինչ օրս ազատ չեն արձակել: Ըստ «360» հեռուստաընկերության, առևանգողները մտադիր են աղջկան ողջ ու առողջ վերադարձնել միայն այն ժամանակ, երբ նրա հայրը վերադարձնի իր նախկին գործընկերոջը պարտք մնացած ողջ գումարը:
Աղջկա պապի` Գվիդոն Սարսգյանի խոսքերով` դուստրն առավոտյան գնացել է դպրոց, իսկ դասերի ավարտից հետո պետք է գնար մաթեմատիկայի կրկնուսույցի մոտ, սակայն անհետացել է:
Պապը նաև պատմել է, որ թոռանը հաջողվել է կապ հաստատել ընտանիքի անդամների հետ: Նա պատմել է, որ իրեն առևանգել են մի քանի հոգով ու ստիպողաբար նստեցրել ավտոմեքենան, թե ուր են տարել, ինքը չգիտի:
Աննան նաև պատմել է, որ իրեն մեկ անգամ ծեծել են. «Ապրել եմ ուզում, ինչ ուզում են՝ տվեք, ասաց»,- ասել է նա:
Հանցագործները պահանջել են մեկ միլիոն ու տվել 2 օր ժամանակ, սակայն չեն նշել, թե ինչ տարադրամով:
Սակայն երեկ, մինչ ոստիկանները փնտրել են առևանգողներին, իսկ տեղի լրատվամիջոցներից մեկն ուղիղ եթերում մեկնաբանել է տեղի ունեցածն, ստուդիա է զանգել աղջկա հայրն ու մեղադրել լրատվամիջոցներին` կեղծ լուրեր տարածելու համար: «Իմ 2 աղջիկներն էլ տանն են, ողջ առողջ, ես ոչ մի պարտ ու ոչ մի խնդիր չունեմ»,- ասել է նա:
Թե որն է այս խճճված պատմության իրական կողմը, դեռևս պարզ չէ: