Բաքվի ձայն. «Հաջորդ կայարանը. Ռուսաստանը Հայաստանն է»

regnum.ru-ն գրում է, որ Ռուսաստանը շարունակում է ամրապնդել Հայաստանի անվտանգության համակարգը… Նա Հայաստանի էներգետիկ և ռազմական անվտանգության երաշխավորն է, նրա հիմնական առևտրային գործընկերն ու դաշնակիցը… Ռուսաստանը միակ ուժն է, որը կարող է միակողմանիորեն վերջ դնել տարածաշրջանային հակամարտությանը…:

Ի՞նչ  կերպ են ադրբեջանական սոցցանցերը մոտենում այս հարցերին։

Գրող և քաղաքագետ Elnur Aslanov-ը թվիթերում գրել է.

@ElAslanov. Հայաստանում հակառուսական տրամադրությունները աճում են: Հիմա հայ «քաղաքագետները» որոշել են իրենց պարտության մեջ մեղադրել Ռուսաստանին... դե շուտով էլ կգա Ֆրանսիայի հերթը:

Mr. Nariman-ը տալիս է հետևյալ տեղեկությունը.

@MrNarimanBeck. Հայաստանը մտել է 2021 թվականին Ռուսաստանի Դաշնություն միգրանտների ներհոսքի առաջին երկրների եռյակը։ 2021 թվականի հունվար-հուլիսին Հայաստանից Ռուսաստան է ժամանել 20 հազար միգրանտ։ Առաջին տեղում Տաջիկստանն է՝ 38.000, երկրորդում՝ Ուկրաինան՝ 26.000։

Ziya Ibrahim-ը Twitter-ում այսպես է արձագանքում.

@ ZiyaIbrahim11. Ռուսաստանի դեմ հանրահավաք Երևանում: Այժմ նրանք խնդրում են ԱՄՆ-ին օգնել Ռուսաստանին դուրս մղել Հայաստանից։ Պարզապես ժեստ է: ՀԱՊԿ-ում գտնվող երկիրը ՆԱՏՕ-ին է խնդրում:

Maryam Akhmedova-ն գրում է.

@akhmva. Եթե մի օր ձեր երեխաները ձեզ հարցնեն, թե ինչ է ամոթը, ցույց տվեք նրանց այս լուսանկարը։ Ադրբեջանական բանակի կողմից ազատագրված Զանգիլանի շրջանի տարածքներից բացվում է տեսարան դեպի Ռուսաստան։ Փաստորեն, սա Ռուսաստանը չէ, այլ Հայաստանը Ռուսաստանի Դաշնության դրոշի օգնությամբ ցուցադրում է իր ինքնիշխանությունն ու անկախությունը։

Քեռի Միշան գրում է.

@ ZDE6WuQdGimp6Us. Ինչո՞ւ Ռուսաստանը Հայաստանի համար ավելին անի, քան ինքը՝ Հայաստանը: Ռուսաստանը ոչ մեկին պարտք չէ.

Lale  անունով օգտատերը հղում է տեղադրել YouTube-ում և գրել.

@ Lala43463561. Պետք է բացել «Հայկական գժանոց» ծրագիրը։ Հաջորդ կայարանը. Ռուսաստանը Հայաստան է։

Բժիշկ Ilham-ը Twitter-ում ընդլայնում է քննարկումը.

@ IlhamKhalil8. Ժիրիկի, Սիմոնյանի և այլոց արտահայտությունների վերաբերյալ օտար տարածքների նկատմամբ կայսերական հավակնությունների վերաբերյալ: Կարծում եմ՝ սա խախտումների, թերարժեքության բարդույթ է։ Ի վերջո, ո՛չ Թուրքիան, ո՛չ Բրիտանիան, ո՛չ էլ այլ երկրներ չեն հավակնում իրենց նախկին տարածքներին/գաղութներին։ Միայն Ռուսաստանը, դե Հայաստանը, հիմա էլ Իրանը։

@ IlhamKhalil8. Ինձ համար սա պրիմիտիվիզմ է անընդհատ ձգձգել այս թեման. ահա մեր տարածքները և այլն, հիմարություններ են։ Եթե վերադառնանք Հորդայի նվաճումների ժամանակներին, ապա Ղազախստանը, Ղրղզստանը, նույնիսկ Մոնղոլիան կարող են հավակնել իրենց նախկին նվաճումներին, չմոռանանք Չինաստանը, Ճապոնիան, Կուրիլները և այլն:

Ruslan-ը պատասխանել է.

@ RuslanM77. Այնքան շատ են այն երկրները, որոնք ներկայումս պահանջում են այլ երկրներ՝ նույնիսկ չվերադառնալով Հորդայի օրերին:

Ռամիլը ևս պատասխանել է.

@AliviArrani. Իրանը չի տուժում այս հիմարությունից: Իրանական սփյուռքն է, որ տուժում և նույնիսկ քննադատում է այաթոլլաներին Դարեհի կայսրությունը վերակենդանացնելու հավակնելու համար: Եվ ինչպես նկատեցիք, իրանական սփյուռքը այս ամենը սարքում է թերարժեքության բարդույթից։ Ե՛վ մեր առջև, և՛ այաթոլլահների առաջ։

Kamilla Ragim-ը գրել է.

@KamillaRagim. Էրդողանը կրկին խոսել է վեցերորդ հարթակի՝ Ադրբեջանի, Թուրքիայի, Ռուսաստանի, Իրանի, Վրաստանի և Հայաստանի մասին. «եկեք համատեղ քայլ անենք, վերականգնենք խաղաղությունը տարածաշրջանում։ Այդ կապակցությամբ պարոն Իլհամ Ալիևն արդեն խաղաղություն է առաջարկել Հայաստանին»: Հռոմում G20-ի գագաթնաժողովին հաջորդած մամուլի ասուլիսում է նա ասել:

Hafız-ը պատասխանել է.

@bianconero00077. Իսկապե՞ս կարծում եք, որ այդ բազմաչարչար հայերը կհամաձայնվեն դրան:

Նյութը հրապարակման պատրաստեց Կամո Խաչիկյանը