«Շնորհավոր նոր տարիֆ». Ucom-ը հանդես է գալիս նոր՝ իր լավագույն առաջարկներից մեկով

«Ucom» ընկերությունը ներկայացրեց նոր՝ «Unity» տարիֆը, որում միավորված են թե՛ ֆիքսված, թե՛ շարժական կապի ծառայություններն ամբողջ ընտանիքի համար: Միանալով «Unity» տարիֆներին՝ բաժանորդները յուրաքանչյուր ամիս կարող են ստանալ մինչև 400 Մբ/վրկ արագությամբ տան ինտերնետ, 200-ից ավելի հեռուստաալիքներ, շարժական անսահմանափակ ինտերնետ, մինչև 6000 րոպե դեպի տեղական բոլոր ցանցեր, Արցախ, ԱՄՆ և Կանադա զանգելու համար, «Super Wi-Fi» սարք և հատուկ սակագնով մինչև 4 հավելյալ «Unity Super SIM» քարտեր:

Ընկերության գլխավոր տնօրեն Արա Խաչատրյանը, լրագրողների հետ զրույցում ներկայացնելով նոր առաջարկը, նախ շնորհավորեց ընկերության հաճախորդներին՝ ընդգծելով, որ «Unity»-ն աննախադեպ առաջարկ է: «Առաջին անգամ «Ucom»-ն իր բաժանորդներին և հաճախորդներին ներկայացնում է կոնվերգենտ ծառայություն, այսինքն՝ մեկ տարիֆն իր մեջ ներառում է մի քանի ծառայություններ: Սա առաջին հերթին ապահովում է մեր հաճախորդների համարավետությունը: Վճարումը կատարող եք կատարել մեկ միասնական հաշվով՝ պարզապես լիցքավորելով Ձեր «Unity» տարիֆի հիմնական հեռախոսահամարը: Այս պարագայում ունենք աննախադեպ առաջարկ գնի տեսքով, քանի որ ամեն ծառայությունն առանձին-առանձին էական ավելի բարձր արժեք էր ունենալու: Հիմա՝ ի՞նչ է իրենից ներկայացնում մեր նոր պրոդուկտը: Այն ունի առաջին հերթին ինտերնետ: Մոտավորապես 1-2 ամիս առաջ հանրահռչակ «Ookla» ընկերության կողմից շահեցինք տան ամենաարագ ինտերնետ նոմինացիայում: Սա շատ կարևոր էր մեզ համար և այս տարիֆի մեջ բացելու ենք մեր ինտերնետի սահմանները: Մինչև 400 Մբ/վրկ արագություն ենք տրամադրելու մեր հաճախորդներին: Հաջորդը՝ հեռուստաալիքներ: Այսօր շուկայում գոյություն ունեցող ամենամեծ առաջարկը՝ 200-ից ավելի հեռուստաալիք ներկայացված է մեր այս տարիֆի մեջ: Երրորդը՝ ներկայացնում ենք նոր տեխնոլոգիա, այն է՝ վեցերորդ սերնդի Wi-Fi և Gpon սարքավորումներ, որոնք գրեթե տասն անգամ ավելի արագ, մի քանի անգամ ավելի հասանելի և ավելի կայուն կապ ապահովող սարքավորումներ են: Այս ամենին ավելանում է մեր չորրորդ բաղադրիչը՝ շարժական կապը: Շարժական կապով անսահմանափակ ինտերնետ և շատ րոպեներ ավելանալու են այս տարիֆային պլանին: Մեր այն բաժանորդները, որոնք օգտվում են ֆիքսված ինտերնետի ծառայություններից, սիմվոլիկ գումար ավելացնելով՝ կարողանալու են օգտվել նաև շարժական կապից: Շնորհավոր նոր տարիֆ»,-ասաց «Ucom»-ի գլխավոր տնօրեն Արա Խաչատրյանը:

Ընկերության կոմերցիոն տնօրեն Արինա Առուստամյանը ևս ուրախությամբ նշում է, որ իրենց նոր առաջարկի մեջ կարողացել են միավորել բոլոր ծառայությունները: «Նոր առաջարկը ենթադրում է սակագնային փաթեթների շարք, ամեն առաջարկ իր մեջ ներառում է մեր բջջային և ֆիքսված կապի ծառայությունները: Մենք մի քանի անգամ բարձրացրել ենք ֆիքսված ինտերնետի արագությունը, առավելագույն առաջարկն է 400 ՄԲ/վրկ արագություն:

Ներկայացնեմ, օրինակ՝ «Super Unity 16000» տարիֆը: Ընտրելով այս տարիֆը և ամսական վճարելով 16 հազար դրամ, բաժանորդները կստանան մինչև 300 Մբ/վրկ արագությամբ ֆիքսված ինտերնետ, «Super Wi-Fi» սարք, շարժական անսահմանափակ ինտերնետ, 3000 րոպե դեպի տեղական բոլոր ցանցեր , Արցախ, ԱՄՆ և Կանադա զանգելու, ինչպես նաև 180 րոպե տան հեռախոսից օգտվելու համար, 200-ից ավելի հեռուստաալիք դիտելու և 4 Unity Super SIM քարտ ձեռք բերելու հնարավորություն: Տարիֆի հիմնական առավելություններից մեկն այն է, որ շատ հեշտ կարելի է վճարել բոլոր ծառայությունների համար: Մեր բաժանորդները հնարավորություն են ստանում խնայել գումար՝ օգտվելով մեր այս առաջարկից: Կարևոր է նշել նաև «Super Wi-Fi» սարքի մասին: Սա նոր տեխնոլոգիա է, որն ապահովում է 16 անգամ ավելի արագ ինտերնետ, երկու անգամ ավելի լայն ծածկույթ և 2 անգամ ավելի կայուն Wi-Fi տան ամեն սենյակում: Նոր տարիֆները ներկայացված են մարզային՝ Unity 7000 և Unity 9000 տարբերակներով, ինչպես նաև «գին-որակ-ներառումներ» լավագույն համադրությամբ՝ Unity 8000, Unity 12000, Super Unity 16000 և Super Unity 20000 տարբերակներով: Մարզային տարբերակներն ավելի մատչելի են, ներառոմ են մեր առաջարկած բոլոր ծառայությունները, բաժանորդներին տրամադրվելու է Super Wi-Fi սարք և Super SIM քարտեր ամբողջ ընտանիքի համար»,-եզրափակեց Արինա Առուստամյանը:

Լուսինե Առաքելյան