Աֆղանստանում ԱՄՆ ռազմական առաքելությունն ավարտվել է. Պենտագոն
ԱշխարհՊենտագոնի խոսնակ Ջոն Քիրբին հայտարարել է, որ Աֆղանստանում ԱՄՆ ռազմական առաքելությունն ավարտվել է, փոխանցում է «РИА Новости»-ն:
«ԱՄՆ-ի ռազմական առաքելությունն Աֆղանստանում ավարտվել է»,- պատասխանել է նա՝ պատասխանելով լրագրողների հարցին՝ արդյո՞ք ամերիկացիները կարող են աջակցություն ցուցաբերել Թալիբանի հակառակորդներին, ովքեր փորձում են զինված դիմադրություն կազմակերպել Փանջշերի կիրճում:
Ըստ Քիրբիի՝ Միացյալ Նահանգները 20 տարի տևած ռազմական արշավից հետո Աֆղանստանը լքելուց հետո իրենց իրավունք են վերապահում «հակաահաբեկչական հարվածներ իրականացնել` անհրաժեշտության դեպքում մեր շահերին և տարածքին սպառնալիքներին պատասխանելու համար»:
ԶԼՄ-ները նախօրեին հաղորդել էին, որ արմատական թալիբները պլանավորում են «վերջնական հարված» հասցնել աֆղանական Փանջշեր նահանգի դիմադրության ուժերին: Դրա համար, ըստ աղբյուրների, թալիբներն իրենց լավագույն ուժերը և մեծ քանակությամբ զենք կօգտագործեն: Ավելի վաղ Աֆղանստանի Փանջշեր նահանգի դիմադրության ուժերը հայտարարել էին, որ ահաբեկչական «Ալ-Քաիդա» կազմակերպության մարտիկները միացել են իրենց վրա հարձակվող թալիբ գրոհայիններին:
Օգոստոսի 31-ին ԱՄՆ-ն հայտարարեց Աֆղանստանից իր զորքերի դուրսբերման ավարտի մասին: ԱՄՆ նախագահ Ջո Բայդենը որոշել է չերկարաձգել տարհանման օպերացիան՝ հիմնվելով ամերիկյան բանակի առաջարկությունների վրա:
1
2
3
4
5
1
2
3
4
5
1
3
4
5
