Փորձանքներից խուսափելու 10 ոսկե կանոն՝ ֆեն-շուից

1. Անկյունում մի՛ նստիր

Ասում եք՝ «Յոթ տարի չե՞ս ամուսնանա» (մեզ՝ հայերիս, սա ծանոթ է): Եթե միայն դա լիներ: Ֆեն Շուի կանոնի համաձայն՝ մարդուն ուղղված անկյունը, լինի սեղանի, պահարանի կամ այլ առարկայի, խեղճի ուղղությամբ «թունավոր նետեր» է արձակում, որոնք նրան ոչ միայն միայնակ կթողնեն, այլեւ առանց փողի, առողջության եւ հաջողության:

2. Շեմից այն կողմ հրաժեշտ մի՛ տուր

Իբր՝ «կվիճես»: Ամեն դեպքում, շեմն էներգետիկ արգելապատնեշ է, որը բաժանում է երկու աշխարհները: Մի կողմից՝ «քոնը», մյուս կողմից՝ «օտարը»: Անտեսանելի սահմանը խանգարում է կապ հաստատել, եւ «մի աշխարհից մյուսը» փոխանցված էներգիան եւ իրերն անդառնալի կորչում են երկու աշխարհների համար էլ: Ստացվում է, որ «աշխարհների» միջեւ կապը քանդվում է:

3. Վատ տրամադրությամբ մի՛ պատրաստիր

Մայրերն ու տատիկները սա սովորեցնում են սկսնակ տանտիրուհիներին: Ավագ սերունդը միանգամայն իրավացի է. սնունդը ներծծում է շրջապատող էներգիան, եւ մենք, ուտելով այդ սնունդը, կալորիաների եւ վիտամինների հետ միասին մենք համապատասխան էներգետիկ լիցք ենք ստանում: Վիճաբանությամբ, հերթական ահաբեկչության կամ վատ էմոցիաներով «լիցքավորված» բորշչն ու կոտլետները կարող են թունավորել ընտանիքը:

4. Մեջքի հետեւում մի՛ կանգնիր

Ասում ենք սա՝ տեղում շարժվելով, եթե անգամ մեջքի հետեւում հարազատ եւ մտերիմ մարդ է կանգնած: Եվ խնդիրը հնագույն բնազդի մեջ չէ, որը ստիպում է զգոն լինել՝ գողեգող մոտեցող թշնամուց պաշտպանվելու համար, այլ այն բանում, որ անպաշտպան թիկունքն ինքնին վտանգ է պարունակում: Հետեւից հենարանի եւ աջակցության բացակայությունը Ֆեն Շույը համարում է ամենաթույլ էներգետիկ դիրքը: Ընդ որում, դա միանման կարեւոր է ե՛ւ մարդու, ե՛ւ տան համար: Ձեր թիկունքում միշտ պետք է պատ լինի, իսկ տան հետեւի հատվածը պետք է պաշտպանված լինի բարձր բլրով կամ, ծայրահեղ դեպքում, հարեւան տնով:

5. Քեզ անկյուն մի՛ քշիր

Ֆեն Շույի համաձայն՝ եւս մեկ չափազանց անբարենպաստ դիրք: Անկյունը վայր է համարվում, որն ունակ է քաշել մարդու էներգիան, այսպես ասած, տնային վամպիր է: Իզուր չէ, որ վաղուց ի վեր չարաճճի երեխային դեմքով դեպի անկյուն են կանգնեցնում, որպեսզի սպառվի նրա խուլիգանական էներգիան (կարեւորն այնտեղ սիրելի հրաշքին երկար չպահեք):

6. Մի՛ նայիր կոտրված հայելու մեջ

Ֆեն Շույի կանոնների համաձայն՝ վնասակար են ոչ միայն կոտրված հայելին, այլեւ նկարով հայելին, հայելային սալիկը: Սրանք քայքայում են էներգետիկան, ինչն առաջին հերթին առողջության վրա կազդի:

7. Գրպանում ունեցած հայելին կպաշտպանի թշնամուց

Մեզ մոտ մինչեւ հիմա համարվում է, որ անբարյացկամ մարդու հետ հանդիպման ժամանակ կօգնի գրպանում պահած հայելին: Այն կարտացոլի նրա բոլոր չար մտքերն ու մտադրությունները, ինչպես նաեւ ձեր դեմ ուղղված ամբողջ բացասական էներգիան: Ֆեն Շույի կանոնը նաեւ խորհուրդ է տալիս տունն անբարեհաճ ազդեցությունից պաշտպանելու համար դռան վրա կամ պատուհանին հայելի կախել:

8. «Քեզ վրա ցույց մի՛ տուր»

Ինչ-որ մեկի ցավերի մասին պատմող մարդուն զգուշացնում ենք այս մասին: Ըստ Ֆեն Շույի՝ աչքով տալու մեխանիզմն այս դեպքում այսպիսինն է. մատով ցույց տալով՝ էներգետիկ լիցք ենք ուղարկում: Միաժամանակ, նշելով հիվանդությունը այդ լիցքին համապատասխան «երանգ» ենք տալիս, լցնում ախտորոշման մասին հստակ տեղեկությամբ:

9. Ճանապարհի կեսից հետ մի՛ դարձիր

«Ճանապարհ չես ունենա»: Հիշեք, թե ինչ էինք պատմել շեմի մասին: «Մի աշխարհից մյուսը» հեքիաթները բավական էներգատար են. դա, հավանաբար, հայտնի է հաճախ ճամփորդողներին, որոնք պետությունների սահմաններ են հատում: Եթե ստիպված ենք, ամեն դեպքում, վերադառնալ, վերականգնեք ուժերը. նստեք (տնից ուժ վերցրեք), հայելու մեջ նայեք (արտացոլվելով՝ էներգիան կրկնապատկվում է):

10. Անցիր ծիածանի տակով եւ երջանիկ կլինես

Իհարկե՝ նրանք, ովքեր հիշում են ֆիզիկայի դասերը, հասկանում են, որ դա անհնար է անել: Բայց նույնիսկ Երկնային Դարպասների խորհրդանիշ համարվում ծիածան տեսնելը լավ նշան է: Իսկ Ֆեն Շույը խորհուրդ է տալիս «վարժեցնել» ծիածանն ու այն տուն բերել: Այդ պատճառով էլ կամարների հնարքները բարեհաճ են. անցնելով դրանց տակով՝ մենք ամեն անգամ «անցնում ենք ծիածանի տակով» եւ Երկնքի պաշպանությունը ստանում: