Հայաստանը կանգնած է լուրջ վտանգների առջև

«Լրագրի» զրուցակիցն է Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը․

Պարոն Գրիգորյան, ամիսներ առաջ Ձեզ Ռուսաստանից վտարելու հարցով որևէ պաշտոնական պատասխան, ի վերջո, ստացա՞ք։ Նորություն կա՞։

Իրենք պատասխանեցին մեր ԱԳՆ-ի հարցմանը։ Ես գնահատում եմ ԱԳՆ-ի այս քայլը, քանի որ այն շատ կարևոր է քաղաքացու շահերը պաշտպանելու տեսակետից, լինի ընդդիմադիր, փորձագետ կամ ընդդիմադիր փորձագետ։ Պատասխանը հոկտեմբերին եղավ։ Միտքը մոտավորապես հետևյալն է՝ Ռուսաստանն ասում է՝ մենք չենք փոխում մեր կարծիքը, մենք արգելեցինք Գրիգորյանին մուտք գործել Ռուսաստան մինչև 2030 թվականը, քանի որ իր աշխատանքի էությունը մեզ համար վտանգավոր է։ Ինձ համար շատ կարևոր էր, որ Ռուսաստանը խոստովանեց, որ սա քաղաքական որոշում է։ Գիտեք, իրենք կարող էին ինչ ուզեին մոգոնեին, ասեին՝ Գրիգորյանը կրիմինալ է, բայց իրենք ազնվորեն ասում են, որ իմ գործունեությունը եվրոպական, ամերիկյան կազմակերպությունների հետ, իմ դիրքորոշումը հետխորհրդային տարածքում տարբեր հարցերի վերաբերյալ իրենց համար սպառնալիք է։ Դուք գիտեք իմ դիրքորոշումը, ես համարում եմ, որ Հայաստանը սխալ արեց, որ ԵՏՄ մտավ, Հայաստանի տեղը Եվրոպայում է, ժողովրդավարությունը պետք է զարգացնենք և կոռուպցիայի դեմ պայքարենք: Ես համարում եմ, որ Ռուսաստանը Հայաստանում աշխատում է կոռուպցիոն մեխանիզմներով, օրինակ՝ «Գազպրոմի» միջոցով, այլ կոռուպցիոն մեխանիզմներով։ Եվ պարզ է, որ սա դուր չէր գալիս Ռուսաստանին։ Բայց ինձ համար կարևոր է, որ պաշտոնական պատասխանի մեջ հստակ է գրված՝ պատճառները քաղաքական են։

Շարունակությունը՝ կայքում