Այս ուժը, այս էներգետիկան իր հաղթանակն է կնքելու հունիս 20-ին և միասին գնալու դեպի ուժեղ Հայաստան. Աննա Գրիգորյան (տեսանյութ)
ՔաղաքականությունԱյս հրապարակում կանգնած են այն մարդիկ, ովքեր Հայաստանին ուզում են վերադարձնել հաղթանակները, հայի հաղթողի հոգեբանությունը, ՀՀ քաղաքացուն արժանապատվութւյունն ու արդարությունը, կանգնած են մարդիկ, ովքեր պատրաստ են մեզ հետ միասին կառուցել ուժեղ Հայաստան: Այս մասին «Հայաստան» դաշինքի հանրահավաքի ժամանակ ասաց դաշինքի անդամ Աննա Գրիգորյանը:
«Ես ուզում եմ շնորհակալություն հայտնել մեր բազմաթիվ քաղաքացիներին, ովքեր մեր հանդիպումներին գալիս էին և իրենց խնդիրներն էին բարձրացնում և լսում էին մեզ և թեև նրանք այսօր մեզ հետևում են տարբեր մարզերից և ես գիտեմ ու զգում եմ, որ նրանց սիրտը բաբախում է այստեղ և հիմա մեզ հետ այս հրապարակում»,- ասաց Աննա Գրիգորյանը:
Նա նշեց, որ դաշինքը գալիս է, որպեսզի հայը աշխարհի որ ծայրում էլ լինի, այլևս գլխիկոր չքայլի ինչպես այսօր, այլ նորից դառնա հաղթանակներ կերտող ժողովրդի զավակ:
«Մեր դաշինքը գալիս է բերելու սահմանային անվտանգություն, արժանապատիվ խաղաղություն, կայունություն և ներքին համերաշխություն, գալիս ենք, որպեսզի թշնամին չկարողանա մտնել մեր երկիր, երբ ցանկանա և գալիս ենք, որ մեր զինվորը կարողանա ցույց տա իր բազկի ուժը և դպրոցում երեխաները ստանան որակյալ և ժամանակակից, ազգային արժեքների վրա խարսխված կրթություն»,- նշեց նա:
1
2
3
4
5
1
2
4
5
2
4
