«Ասենք տվեցի, դու ի՞նչ կտաս ինձ»․ վարչապետը «քերթել է» համայնքապետերի կաշին
Տնտեսություն
«Հրապարակ»
«Վարչապետ Կարեն Կարապետյանի մարզային այցերի ժամանակ նախօրեին հետաքրքիր իրավիճակ է ստեղծվել Հովիկ Աբրահամյանի հարազատ Արարատի մարզում։ Թեպետ Արտաշատում Կարապետյանին դիմավորողների առաջնագծում եղել է քաղաքապետը՝ Արգամ Աբրահամյանը, սակայն մարզի բազում համայնքապետեր ներկա չեն եղել մարզկենտրոնում կայացած հանդիպմանը, բացակայել է նաև Վեդիի քաղաքապետը։ Հանդիպման ընթացքում վարչապետը հորդորել է համայնքապետերին կադրային ջարդ անել ագատվել ավելորդ հաստիքներից, ինչը խուճապային տրամադրություններ է առաջացրել։ Համայնքապետերին զարմացրել է վարչապետի բիզնես մտածողությունը գրեթե բոլոր հարցերում։ Կարեն Կարապետյանը հարցախեղդ Է արել համայնքապետերին, թե որևէ ֆինանսական ծրագիր, աջակցություն տրամադրելու դեպքում փոխարենն ինչ կստանա։ «Ասենք՝ տվեցի, դո՞ւ ինչ կտաս ինձ»,– հարցրել է նա։ Հետաքրքրվել է նաև համայնքների եկամուտների դինամիկայի մասին, Արարատի քաղաքապետից լսելով, որ իր պաշտոնավարման ընթացքում ավելացել են համայնքի եկամուտները, այսինքն՝ հարկահավաքությունը նորմալ է ընթացել՝ 250 միլիոնից 550 դառնալով, իբրև խրախուսում՝ հանձնարարել է իր ենթականերին ավելացնել քաղաքին տրվող դոտացիաները։ Նույնկերպ վարվել է բոլոր այն համայնքների հետ, որտեղ եկամուտների աճ է արձանագրվել։ Այնինչ մինչ օրս հակառակն են արել՝ դոտացիաները տրվել են ֆինանսական բացը լրացնելու համար, հարկերը վատ հավաքագրած համայնքներին»,–գրում է թերթը։
Մանրամասները՝ թերթի այսօրվա համարում։
1
2
3
4
5
1
2
3
4
5
1
3
4
5
