Պետություն ղեկավարելը թաղի լակոտների կռիվ չէ, որ մեր քրֆես ու փախչես։ Իսկ դուք երկիրը դարձրիք Թուլեքի թագավորություն։

Պետություն ղեկավարելը թաղի լակոտների կռիվ չէ, որ մեր քրֆես ու փախչես։ Ոչ էլ «ազգային ազատագրական» ղաչաղություն, որ քրդի մի կով մորթելու դիմաց հայկական մի գյուղ մատնես մորթվելու եւ սարով անցնես մյուս գավառ։ Իսկ դուք, «փրկիչներս», պետության ներքին ու արտաքին հարաբերությունները իջեցրիք Ցախի մեյդանի հայաթի լակոտական կռվի մակարդակին։ Երկիրը դարձրիք Թուլեքի թագավորություն։
600 տարի երազածը, մեկ անգամ ձախողվածը, 7 տարիների ընթացքում կարոտով, արյունով ու սիրով հիմքերը դրածը։ Որպեսզի ձեր քոսոտ տեսքը համապատասխան լինի միջավայրին, փուշթունների փնթի բնազդով ավերեցիք ու պղծեցիք ձեզանից առաջ եղած ամենայն բան - պետություն, գաղափար, ընկերություն, անուն, պատիվ եւ ավանդույթ։
Հայաստանի մթնոլորտը կարիք ունի միանգամից մաքրվելու ասիական բաղնիքի այն գարշահոտից, որ օդում կախված է լինում աշխարհազորի եւ մեդրեսեների սաների խմբակային ու զանգվածային լոգանքից հետո։ Տրամաբանական ավարտը անհրաժեշտ է, որպեսզի այս ժողովուրդը վերջապես հասկանա, որ գերագույն ազգային գաղափարը՝ ունեցած երկիրը շենացնելն էր, ոչ թե չեղած բանի համար Կիկոսի դեգեներատ տնեցիների նման սուգ ու շիվան կապելը։ Եւ որ երկիրը մարդու նույն տունն է, ոչ թե ապուպապի գերեզմանին կից սպասարկող անձնակազմի բուդկա։ Վերջին հաշվով, ձեռ եք տվել, պիտի խաղաք։

Վանո Սիրադեղյան

Այս թեմայով Փաշինյանը՝ Վանոյի վերդարձի մասին «Մեկ մարդու հույսին մնալը ազգի առողջության մասին չի խոսում»․ Վանո Սիրադեղյանի բացառիկ հարցազրույցը Նիկոլ Փաշինյանին Բացահայտումներ․ ինչու էր Քոչարյանը Բաղրամյան 26 կանչել Վ. Սիրադեղյանի գործով դատավորին «Մեռնելու կարիք ունեմ․ զզվել եմ կյանքից». բացառիկ հարցազրույց 90-ականներին հայտնի միլիոնատեր Սերժ Ջիլավյանի հետ «Լոռեցիք անհիմն շատ ու մեծ բաներ ուզող ուզվորի համար ազդեցիկ մի խոսք ունեն. շատը գոմշի թրիքն է, մեծը՝ իշի ****ը». Վանո