«Ազնիվ քաղաքացու պոռթկում է». Խոսրով Հարությունյանը՝ ՔԱՔ կուսակցության մասին
Քաղաքականություն
ԱԺ ՀՀԿ խմբակցության պատգամավոր Խոսրով Հարությունյանը դերասան Սերգեյ Դանիելյանի հնարավոր ներգրավումը քաղաքականության մեջ ազնիվ քաղաքացու պոռթկում է համարում:
«Սերգեյ Դանիելյանի քաղաքացիական պոռթկումն ինձ համար հասկանալի է: Նա, ըստ էության, շատ շատերի պես ասում է՝ «լավ էլի, հնարավոր չի՞ մի բան անել, որ ընդդիմությունը ևս ուժեղանա», բայց ենթադրել, որ Սերգեյ Դանիելյանը կարող է դառնալ ընդդիմադիր հատվածին զարգացնելու լիդեր, քիչ հավանական եմ համարում», - Aysor.am-ի թղթակցի հետ զրույցում ասաց Խ.Հարությունյանը:
«Ես իր պոռթկմանը հարգանքով եմ վերաբերվում: Դա ազնիվ քաղաքացու պոռթկում է, որը ուզում է քաղաքականության մեջ տեսնել երկու հավասար չափով կայացած փորձառու ուժի», - նշեց պատգամավորը:
Ավելի վաղ դերասան Սերգեյ Դանիելյանը հայտարարել էր, որ պատրաստվում է «Քաղաքացիական ակտիվ քայլ» (ՔԱՔ) կուսակցություն գրանցել, որով հանդես կգա 2017 թվականի խորհրդարանական ընտրություններին և կպայքարի ընդդիմության դեմ:
«Ես ընդհանրապես շատ հանգիստ եմ վերաբերվում նման հայտարարություններին, բայց քաղաքականության առումով, քաղաքականության վրա էական ազդեցություն ունենալու առումով նման հայտարարություններին անլուրջ և շատ անտարբեր եմ վերաբերվում: Քաղաքականությունը մտավոր կարողություն, փորձառություններ պահանջող ոլորտ է», - ասաց Խոսրով Հարությունյանը:
1
2
3
4
5
3
5
1
3
4
