Պուտինը լրագրողներին ցույց է տվել իր նվեր ստացած շանը /ֆոտոշարք
Աշխարհ
Ճապոնացի լրագրողներին տված հարցազրույցից առաջ ՌԴ նախագահ Վլադիմիր Պուտինը ցուցադրել է Յումեին՝ ակիտա-ինու սորտի շանը, որը նա նվեր էր ստացել Ճապոնիայի հյուսիսային Ակիտա պրեֆեկտուրայի նահանգապետ Նորիհիսա Սատակեի կողմից 2012 թվականին:
Ռուսաստանի նախագահը նշել է, որ իր շունը շատ լավ վիճակում է: «Ինձ ասել են, որ դուք ցանկանում էիք տեսնել Յումեին, խնդրեմ, ես ձեզ նրան ցույց տվեցի, նա հիանալի վիճակում է»,- ասել է Պուտինը:
Ի պատասխան՝ ԶԼՄ-ների աշխատակիցները խոստովանել են, որ «փոքր-ինչ զարմացել են և վախեցել՝ տեսնելով, որ հանդիպումը նման կերպ է սկսվում»: Դրան Պուտինը պատասխանել է՝ «Ճիշտ եք արել, որ վախեցել եք, որովհետև նա խիստ շուն է»: «Շատ մարդ կա այստեղ, տեսախցիկներն աշխատում են, լուսարձակները լուսավորված են, ֆոտոխցիկներն աշխատում են, և նա կատարում է հսկող գործառույթներ»,- ասել է նա:
2012 թվականին Ակիտա պրեֆեկտուրայի նահանգապետը ՌԴ նախագահին շուն էր նվիրել՝ Յումե անունով, ինչը ճապոներենից թարգմանաբար նշանակում է «երազանք»: Այդկերպ նա երախտագիտություն է հայտնել օգնության համար, որը Ռուսաստանը տրամադրել է իր երկրին 2011 թվականի տարերային աղետներից հետո:
1
2
3
4
5
1
2
3
4
5
1
2
3
5
