Մինսկի խումբը հայտարարեց Արցախի խնդրի «լավ հայտնի սկզբունքների» մասին
ՔաղաքականությունԵԱՀԿ Մինսկի խմբի համանախագահները հայտարարություն են տարածել, որում կոչ են արել հնարավորինս շուտ բարձր մակարդակով քաղաքական երկխոսություն սկսել վերջնական, համապարփակ և կայուն կարգավորման ձեռքբերմանը՝ կողմերին լավ հայտնի տարրերի ու սկզբունքների հիման վրա»:
Լավ հայտնի սկզբունքները ներառում է նաեւ Արցախի կարգավիճակի հարցը, եւ դա նշանակում է, որ համանախագահները չեն ճանաչում պատերազմի արդյունքները որպես «վերջնական կարգավորում»։ Թեեւ, Ռուսաստանը Բաքվի հետ հայտարարում է հակամարտության լուծվածության մասին։
Հայտարարությունը հետեւեց Ալիեւի՝ Բաքվում կազմակերպած ավարի նողկալի ցուցադրությանը, որը նրա վախերի ու բարդույթների արտահայտությունն էր։ Նա վախով էր սպասում ԵԱՀԿ Մինսկի խմբի այդ հաստատմանը։ Նա սպասում էր, որ աշխարհը չի ճանաչի այդ պատերազմի արդյունքները որպես կարգավորում եւ ամեն ինչ կվերադարձնի ելակետային վիճակի։ Իսկ ելակետն Արցախի կարգավիճակն է։
Ալիեւն այլեւս կորցնելու բան չունի՝ 2020 թվականի պարտերազմը նրան զրկել է բանակցություններում միակ փաստարկից։ Նախքան պատերազմը նա սպառնում էր, որ եթե չհաջողվի հասնել խաղաղ կարգավորման, հարցն ուժով կլուծի։ Հիմա Ալիեւն ամեն ինչ անում է, որ հակամարտությունը համարվի կարգավորված։
Ալիեը հայտարարել է, որ պատրաստ է Ղարաբաղի հարցով խաղաղության համաձայնագիր ստորագրել, բայց պատասխան քայլեր չի տեսնում։ «Շատ բաց հարցեր են մնացել», ասել է նա։
Ադրբեջանական կողմն ակնկալում է, որ ԵԱՀԿ Մինսկի խումբը իր առաջարկները կներկայացնի տարածաշրջանում խաղաղ կյանքի կազմակերպման վերաբերյալ։ «Երբ խոսում եմ Հայաստանի հետ խաղաղության համաձայնագրի մասին, եթե Հայաստանը դիտարկի այդ տարբերակը, միջազգային խաղացողների համար գործունեության շատ ոլորտներ կհայտնվեն՝ այն, ինչ վերաբերում է դեմարկացիային, դելիմիտացիային, փոխգործակցությանը», – ասել է Ալիեւը։ Այսինքն, նա փորձում է ցույց տալ Մինսկի խմբին, թե ինչով պետք է զբաղվի եւ խլում է նրանից քաղաքական կարգավորման մանդատը։ Ալիեւին համահունչ ռուս սենատոր Կարասինը նույնպես Մինսկի խմբին մարդասիրական ու կոմունիկացիոն դեր էր հատկացրել։
«Մենք մինչ օրս ոչ մի ուղերձ չենք ստացել ԱՄՆ վարչակազմից, հունվարից։ Այսօր արդեն ապրիլ է։ Զրո։ Ոչ մի ուղերձ», – ասել է Ալիեւը։ Ընդ որում, նա նշել է, որ ԱՄՆ պետքարտուղար Էնթոնի Բլինքենն ավելի վաղ զանգել է Հայաստանի վարչապետ Նիկոլ Փաշինյանին։ «Չգիտեմ՝ նրանք ինչ են խոսել, բայց հավասարակշռությունը կրկին խախտվել է»։ Նրա խոսքով, մինչ օրս ԱՄՆ վարչակազմի միակ հաղորդագրությունը ԱՄՆ նախագահ Ջո Բայդենի շնորհավորանքն էր Նովրուզի առթիվ։
Ավելին ՝ այստեղ
1
2
3
4
5
3
4
5
1
2
3
