«Հաց բերող» Արթուրի ընկերները Վերնիսաժում կատարել են նրա աշխատանքների վաճառքը #ֆոտոներ
Հասարակություն
NEWS.am-ը գրում է․
«Սասնա ծռեր» խմբին սնունդ տարած Արթուր Սարգսյանի ընկերները այսօր՝ օգոստոսի 13-ին «Վերնիսաժում» կազմակերպել են նրա աշխատանքների վաճառք:
Արթուր Սարգսյանի ընկերներից Սամվել Թադեւոսյանը նշեց, որ քաղաքացիներն արդեն վաղ առավոտից «Վերնիսաժ» են գալիս՝ հատուկ Արթուր Սարգսյանի գործերը գնելու նպատակով:
«Արթուր Սարգսյանի աշխատանքները բերել ենք իր տնից, ավարտված գործերը շատ քիչ են, հիմնականում կիսատ մնացած աշխատանքներ են, որոնք պետք է ավարտենք կամ մենք, կամ նրա եղբայրը: Այսօր վաճառքի ենք հանել զարդատուփեր եւ ժամացույցեր»,- ասաց նա:
«Հաց բերողի» մյուս ընկերը՝ Արմեն Խաչատրյանն էլ ընդգծեց, որ վաճառքից ստացած գումարը փոխանցելու են հատուկ բացված հաշվեհամարին, որպեսզի հետագայում, երբ Արթուրը ազատության մեջ լինի, տնօրինի այն իր հայեցողությամբ։
Հիշեցնենք, որ Արթուր Սարգսյանը հուլիսի 26-ին սննդով բեռնված մեքենայով ճեղքել էր ոստիկանության պատը եւ սնունդ հասցրել «Սասնա ծռերի» անդամներին: Նա մեղադրվում է «Սասնա ծռերին» օժանդակելու մեջ:
1
2
3
4
5
2
3
4
5
3
