Պատերազմի կարևոր պահերին շատ լուրջ ձախողումներ են եղել և մեղավորները պետք է պատժվեն
Հասարակություն
Պատերազմից հետո հաճախ են իշխանությունների կողմից քայլեր ձեռնարկվում այս կամ մարդուն պատերազմի մեղավոր նշանակելու և պատասխանատվությունը բարդելու նրանց վրա։ Իշխանությունները Դավիթ Գալստյանին (պատրոն Դավիթ) մեղադրանք են առաջադրել, ըստ որի ՊՆ–ին է մատակարարել հրանոթի անորակ արկեր, որոնցով հնարավոր չի եղել լուծել մարտական խնդիրներ։ Եվ չնայած ՊՆ-ի կողմից եղել է մեկնաբանություն, որ զենքերը փորձաքննություն են անցել և ՊՆ-ի կողմից են պատվիրվել, դեռ շարունակվում է Դավիթ Գալստյանի նկատմամբ քրեական հետապնդումը։
Այս թեմայով 1or.am կայքը զրուցել ազատամարտիկ Վարդան Մալխասյանի հետ։
Անդրադառնալով այն հարցին, թե արդյոք ազատամարտիկը ճիշտ է համարում իշխանությունների կողմից որդեգրված բոլորը մեղավոր են բացի իրենցից քաղաքականությունը, փորձագետը պատասխանեց. «Ցանկացած ձախողումների, ցանկացած պարտության, ցանկացած հանցագործության մեջ, երբ մեղավորներն ի հայտ չեն գալիս և չեն պատժվում, ապա դա նման նոր հանցանքներ գործելու հնարավորություն է ստեղծում։ Իհարկե, սխալ եմ համարում, պետք է մեղավորները պատժվեն։ Սկզբից իշխանությունները հայտնեցին, որ մեղավորները ջրի երես դուրս կգան, որովհետև պատերազմի ժամանակ ակնհայտ ձախողումներ են եղել, և մենք կարող էինք հաջողություններ գրանցել, բայց անսպասելիորեն հրամանատարները չեն կատարել այդ օպերացիաները կամ ուրիշ կարևոր պահերին շատ լուրջ ձախողումներ են եղել և այդ մեղավորները պետք է պատժվեն, մարդկանց վրա քրեական գործեր են հարուցել բայց գաղտնի են պահվում և չեն հրապարակում, մենք չգիտենք ովքեր են մեղադրվում, ինչի համար են մեղադրվում։ Նաև սխալ եմ համարում այն, որ Փաշինյանը եկավ իշխանության և նախորդների գործունեությանը չտվեց քաղաքական և իրավական գնահատականներ և ինքը նախորդներին չպատժելով այսօր նույն իրավիճակում է հայտնվել։ Եվ այս պարտության համար, այո, պետք է քաղաքական և իրավական գնահատական տրվի և գործընթաց սկսվի»։
Այն հարցին, թե արդյոք Դավիթ Գալստյանին մեղավորելով, իշխանությունը փորձում է ողջ պատասխանատվությունը գցել այլ մարդու վրա` խուսափելով սեփական պատասխանատվությունից՝ Վարդան Մալխասյանը պատասխանեց․ « Հայաստանի իշխանությունները խոսեցին նաև Իսկանդեր զինատեսակի մասին և մեծ աղմուկ բարձրացրեցին, քանի որ այդ հայտարարությամբ ռուսական զենքի հեղինակությունը գցեցին, դրանից հետո էլ Դավիթ Գալստյանի մասին հայտարարեցին։ Իրականում, այո՛, պետք է մեղավորներին բացահայտեն, բայց ճնշումների պատճառով կարող է իրական մեղավորները պատասխանատվության չենթարկվեն»։
Սոնա Գիշյան
1
2
3
4
5
1
2
3
4
5
1
3
4
