Քիմ Քարդաշյանի ծովափնյա հանգիստը երեխաների հետ ամուսանալուծության փուլում

Keeping Up With the Kardashians իրապատում շոուի հայազգի աստղ Քիմ Քարդաշյանն Ինստագրամի իր էջում երեխաների հետ նոր լուսանկարներ է հրապարակել հանգստից։ Լուսանկարներում երևում է, թե ինչպես են փոքրիկները կառչած արևայրուք ընդունող մայրիկից։ Քիմը հրապարակմանը կից գրել է․«Մայրիկի կյանքը հանգստի ժամանակ»։

Լուսանկարներում 5-ամյա Սեյնթը, 3-ամյա Չիկագոն և 2-ամյա Փսալմն են, բացակայում է Քիմի և Քանյեի ավագ դուստրը՝ 7-ամյա Նորթը։

Նշենք, որ Քիմի և Քանյեի ընտանիքում խնդիրները վերաճեցին ամուսնալուծության․ Քիմ Քարդաշյանն ամուսնալուծվելու հայց էր ներկայացրել շաբաթներ առաջ․ զույգի ամուսնալուծության մասին լուրերը շրջանառվում են հունվար ամսից։

Ավելի վաղ աղբյուրները հայտնել էին, որ 40–ամյա հեռուստաաստղը ցանկանում է, որ երեխաներն իրենց բաժանումից հետո շարունակեն հոր հետ նույնքան ժամանակ անցկացնել, որքան մինչ այդ։ Նա նշել է, որ Քանյեն կարող է երեխաների հետ հանդիպել, երբ կամենա և երբեք չի սպառնացել նրան՝  երեխաներից հեռու մնալու համար։