«2 գիշեր վիճակս շատ ծանր էր»․ Թելման Խաչատրյան

Դերասան, հաղորդավար Թելման Խաչատրյանը վարակվել է COVID-19–ով, երկկողմանի թոքաբորբ ունի։ Tert.am Life–ի հետ զրույցում դերասանը պատմել է հիվանդության ընթացքի, բ

«Ընկերներիցս մեկը՝ ռեժիսոր Գոռ Մարգարյանը, գրիպ էր, ընկերներով հանդիպեցինք, ես ու մյուս ընկերս՝ դերասան Արմեն Հովհաննիսյանն էլ վարակվեցինք, իրենք լավացան, ես օրեր անց կորցրի համի և հոտի զգացողությունս։ Հասկացա, որ վարակվել եմ կորոնավիրուսով, թեստ հանձնեցի, պատասխանը դրական էր։ Քանի դեռ մտածում էի սովորական գրիպ եմ, մոտս նաև երկկողմանի թոքաբորբ զարգացավ,– ասաց նա ու հավելեց, որ թոքաբորբը բավականին բարդացնում է իր վիճակը։ –2 գիշեր վիճակս շատ ծանր էր։ Հիմա ավելի լավ եմ։ Դեղեր ստանալուց հետո մի 2 ժամ վատ եմ լինում, հետո ինքնազգացողությունս լավանում է։ Բժշկուհին բացատրեց, որ հիվանդությունը պայքարում է դեղերի դեմ դրանից եմ վատանում, հետո հիվանդությունը տեղի է տալիս, դեղերը թողնում են իրենց ազդեցությունը, և ինքնազգացողությունս կարգավորվում է»։

Թելմանը պատմեց, որ շատ ծանր է տարել, հատկապես, հոտի զգացողության կորուստը․ «Ես հոտերի հանդեպ շատ զգայուն եմ, շատ եմ սիրում անուշ բույրեր։ Չեմ պատկերացնում՝ ինչպես կարող եմ չզգալ իմ օծանելիքի բույրը։ Համի բացակայությունն ինձ համար այնքան ծանր չէր, որքան հոտինը։ Շատերի մոտ համն ու հոտը երկար ժամանակ չեն վերականգնվում, վախեցել էի։ Լավ է, ինձ մոտ շուտ վերականգնվեց։ Գիշերը ժամը երկուսին քնիցս արթնացա, քանի որ հոտ զգացի։ Ուրախությունից բոլորին արթնացրի։ Հետաքրքիր է՝ փոքր բան է թվում, չենք նկատում կարևորությունը, կորցնելուց հետո ենք հասկանում՝ որքան կարևոր էր»։

Դերասանը պատմեց, որ թեստի դրական պատասխանից հետո 6 օր է՝ մեկուսացել է իր սենյակում։ «Շատ էի վախենում ընտանիքիս անդամներին, հատկապես, տատիկիս վարակելուց, բայց նրա թոքերը նկարեցինք, թեստ հանձնեց, բացասական էր։ Տանը միայն լոգարանից եմ օգտվում այն էլ, դիմակով, ախտահանիչ միջոցներով։ Հետաքրքիր է, մինչև քո դուռը չի թակում, չես հասկանում վտանգը։ Ես մտածում է՝ դե լավ, քովիդ է, կվարակվենք, կանցնի, չէի վախենում, բայց շատ վատ հիվանդություն է։ Առաջ ասում էին՝ երիտասարդները թեթև են տանում, բայց իմ ու արդեն վարակված ընկերներիս օրինակով հասկացա, որ հիմա այդպես չէ, բավականին ծանր ընթացք է ունենում։ Պետք է շատ զգույշ լինել ու պահպանել բոլոր կանոնները»,– ասաց նա։

Մեկուսացումից ձանձրանալ դերասանը չի հասցրել։ Ասում է՝ գրքեր էր գնել, որոնք չէր հասցրել կարդալ, ֆիլմեր էր առանձնացրել, որոնք չէր հասցրել դիտել, հիմա շատ զբաղմունք ունի։ Բացի այդ, շատ հոգնած էր․ «Ես այնքան հոգնած էի, որ մի պահ ուրախ էի այս մեկուսացման համար, հանգստանում եմ։ Կարծում եմ՝ հենց գերծանրաբեռնվածությունից, քիչ քնելուց էր իմունիտետս այնքան ընկել, որ ընկերներս չվարակվեցին, ես վարակվեցի»։

Անդրադառնալով «Սարի աղջիկ» հեռուստասերիալի նկարահանումներին, որոնք հարկադրված կիսատ է թողել, Թելմանն ասաց, որ հեռուստադիտողներն իր բացակայությունը չեն նկատի։

«Բարեբախտաբար, եթերից շատ առաջ ենք, շուտով նկարահանումները կվերջացնենք, բայց նախագիծը դեռ երկար եթերում կլինի։ Մոտ մեկ ամիս առաջ ենք եթերից, 14 օրը լրանալուց հետո կկարողանամ վերադառնալ նկարահանումներին։ Գործընկերներիս բախտն էլ բերեց, վերջին շաբաթում նկարահանում չունեի, որևէ մեկին չեմ վարակել»,– ասաց նա։

արդությունների և նկարահանումները կիսատ թողնելու մասին։