Պավլիաշվիլու՝ Բաքվում կայացած համերգի ժամանակ ծեծկռտուք է սկսվել
Life
Վրացի հայտնի երգիչ Սոսո Պավլիաշվիլին Բաքվում բարեգործական համերգով է հանդես եկել, սակայն այն ուղեկցվել է աղմկահարույց պատմությամբ: Երգչի` բեմ դուրս գալուց առաջ մի խումբ մարդիկ ծեծկռտուք են սկսել`վանկարկելով «Ղարաբաղ, Ղարաբաղ»: Այս մասին հաղորդում է haqqin.az-ը::
Անվտանգության ծառայությունը նրանց դուրս է հանել համերգային դահլիճից` անվտանգության աննախադեպ միջոցառումներ ձեռնարկելով։ Սոսո Պավլիաշվիլիի համերգի հատուկ հյուրերն են EMIN-ը, A’Studio խումբն ու Վախթանգ Կիկաբիձեն։
Հիշեցնենք, որ ավելի վաղ մի խումբ ադրբեջանցի մտավորականներ և մշակութային գործիչներ առաջարկում էին բոյկոտել Սոսո Պավլիաշվիլիի` Բաքվում նախատեսված համերգը: Կամ էլ ակնկալում էին, որ վերջինս պետք է ներողություն խնդրի` ժամանակին Արցախ այցելելու պատճառով: Սակայն անտեսելով քննադատությունները`Սոսոն հայտարարել էր, որ միշտ էլ հայերի հետ ընկերություն է արել և շարունակելու է նույն ձևով:
Չնայած այս աղմկհարույց միջադեպին` համերգը, այնուամենայնիվ, կայացավ, որովհետև հոկտեմբերի 10-ին Ադրբեջանի ԱԳՆ-ն «անցանկալի անձանց» ցուցակից հանել էր Սոսո Պավլիաշվիլիի անունը: Ըստ նրանց տարածած հայտարարության` Պավլիաշվիլին նամակ է գրել և խնդրել իր անունը հանել այդ ցուցակից:
Հավելենք, որ Սոսո Պավիլիաշվիլին անցանկալի անձ էր հայտարարվել 2004 թվականին Արցախում ունեցած համերգից հետո:
1
2
3
4
5
1
2
3
5
2
5
