Ո՞վ է Դավիթ Տոնոյանին փոխարինելու եկող գեներալ-լեյտենանտ Վաղարշակ Հարությունյանը

Հիշեցում...

168.am-ի տեղեկություններով, ՀՀ վարչապետ Նիկոլ Փաշինյանի որոշմամբ պաշտոնից ազատվել է ՀՀ պաշտպանության նախարար Դավիթ Տոնոյանը։

Նույն աղբյուրի փոխանցմամբ՝ այդ պաշտոնում նրան կփոխարինի ՀՀ վարչապետի գլխավոր խորհրդական Վաղարշակ Հարությունյանը։

Ծանոթություն...

Վաղարշակ Վառնազի Հարությունյան (ապրիլի 28, 1956, Ախալքալաք, Վրացական Խորհրդային Սոցիալիստական Հանրապետություն), ՀՀ ռազմական, պետական և քաղաքական գործիչ, գեներալ-լեյտենանտ։

2002 թվականի հուլիսի 22-ին ՀՀ Նախագահ Ռոբերտ Քոչարյանի հրամանագրով աստիճանազրկվել է։ Վաղարշակ Հարությունյանը իր աստիճանազրկումը համարում է անօրինական, իսկ «Հանրապետություն» կուսակցության պնդմամբ, որի հիմնադիր անդամ էր Վաղարշակ Հարությունյանը, վերջինիս աստիճանազրկումը քաղաքական հաշվեհարդարի միջոց էր։ 2019 թվականին վերականգնվել է նրա զինվորական կոչումը, և նա նշանակվել ԵԿՄ փոխնախագահ։

Վաղարշակ Հարությունյանի և Ռոբերտ Քոչարյանի միջև կոնֆլիկտն սկսվել էր 1999 թվականի Հոկտեմբերի 27-ի ահաբեկչական գործողությունից հետո, երբ տեղեկանալով ահաբեկչության մասին՝ այն ժամանակվա պաշտպանության նախարար Վաղարշակ Հարությունյանի հրամանով բանակը փակել էր Երևան տանող ճանապարհները։ Իսկ օրեր անց Ռոբերտ Քոչարյանը այդ գործողությունը որակել էր որպես ինքնագլուխ, անընդունելի գործողություն:

Աղբյուր՝ https://hy.wikipedia.org