10 կետ, որը պետք է անհապաղ իրականացնել ՀՀ և Արցախի անվտանգության պահպանման անհրաժեշտության համար
Blog
10 կետ, որը պետք է անհապաղ իրականացնել ՀՀ և Արցախի անվտանգության պահպանման անհրաժեշտության համար.
1. Փաշինյանը պարտավոր է անհապաղ հրաժարական տալ:
2. Պետք է կազմավորվի Ազգային միասնության ժամանակավոր կառավարություն՝ 6 ամիս ժամկետով:
3. Ժամանակավոր կառավարությունը պետք է բոլոր ջանքերը գործադրի կապիտուլյացիայի մասին ստորագրված փաստաթղթի կետերը փոխելու՝ հայկական կողմի համար առավել ընդունելի ասպեկտներով:
4. Ժամանակավոր կառավարությունը Ռուսաստանի Դաշնության հետ համաձայնագիր պետք է ստորագրի՝ ավելի սերտ և ռազմավարական գործընկերության և հետագայում նոր հզոր աշխարհաքաղաքական դաշինք ստեղծելու մասին:
5. Մոտ ապագայում այս նոր դաշինքի մեջ կարող են մտնել նաև Արցախը՝ Շուշի, Հադրութ և Քարվաճառ քաղաքներով:
6. Ժամանակավոր կառավարությունը պետք է երաշխավորի Փաշինյանի և նրա ընտանիքի անվտանգությունը:
7. Ռազմական և դիվանագիտական աղետի պատճառները պարզելու համար պետք է ստեղծվի հանձնաժողով, որը բաղկացած կլինի անկուսակցական, պրոֆեսիոնալ մասնագետներից։
8. Ռազմական արդյունաբերության ոլորտն ու Ազգային բանակի մասնագիտորեն կազմված պահեստազորը մեր պետության մեջ պետք է հայտարարվեն ամենաառաջնահերթ ոլորտներ:
9. Ռազմավարական նշանակություն պետք է տրվի Սփյուռքի հետ աշխատանքին և ամբողջ աշխարհում հայ ժողովրդի ներուժի ճիշտ պլանավորմանը:
10. 6 ամսից պետք է հայտարարվեն ՀՀ Ազգային ժողովի ընտրություններ և Ազգային միասնության ժամանակավոր կառավարության լուծարում:
Հ. Գ. 6 ամսից Նիկոլ Փաշինյանը կարող է կրկին վարչապետ դառնալ, եթե ժողովուրդը համոզվի, որ պատերազմի ընթացքում նա արել է ամեն հնարավոր և անհնարին բան, և որ իր ներկայիս փաստարկները ճշմարիտ են:
«Միասնություն» շարժման ղեկավար, կամավորական Արման Վարդանյան
1
2
3
4
5
2
3
4
5
2
5
