Ինչպես պետք է որոշվի վարչապետի հրաժարականի հարցը
Հասարակություն
Հայրենիք կուսակցության նախագահ, ԱԱԾ նախկին պետ Արթուր Վանեցյանը հայտարարել է, որ բանակցողի փոփոխության դեպքում հնարավոր է հասնել ռուս-հայ-ադրբեջանական հայտնի եռակողմ համաձայնության պայմանների փոփոխության, գոնե որոշակի բարելավման: Ըստ Արթուր Վանեցյանի, վարչապետը պետք է հրաժարական տա, եւ պետք է ձեւավորվի ազգային համաձայնության կառավարություն, որն էլ փնտրի ուղիները:
Հայաստանում նոյեմբերի 9-ից հետո ակտուալացել է վարչապետի հրաժարականի հարցը: Եթե կա ռազմական պարտություն եւ ռազմա-քաղաքական պարտության փաստաթուղթ, անկախ պատճառներից եւ բացատրություններից, ապա միանգամայն բնական է, որ կա գերագույն հրամանատարի հրաժարականի պահանջ: Ի վերջո, չպետք է մոռանալ, որ խոսքը Արցախի եւ Հայաստանի անվտանգային համակարգի փլուզման եւ Արցախի մեծ մասի կորստի մասին է: Ըստ այդմ, հանրային պահանջները միանգամայն բնական են:
Կան կարծիքներ, որ պահանջ ներկայացնողների մեջ կան այս կամ այն քաղաքական կամ նույնիսկ տնտեսական, խմբային, անձնական շահեր հետապնդողներ, որոնց մեծ հաշվով Արցախը եւ Հայաստանը հետաքրքիր չեն, այլ առիթ են անձնական կամ խմբային հարցեր լուծելու համար: Ավելին, կարող են լինել ուժեր, որոնց համար իրավիճակը նույնիսկ ոգեւորող է, որովհետեւ Նիկոլ Փաշինյանի վրա է մնում մի ահռելի բան, որ ճնշում էր իրենց անցյալն ու գուցե ապագան: Կլինեն նաեւ այդպիսի ուժեր, բայց դա էլ բնական գործընթացի մաս է: Բայց գլխավորը անվտանգային համակարգն է, եւ ամենացավալին ու պատասխան պահանջողը՝ դրա փլուզումն ու հայրենիքի կորուստը:
Միաժամանակ, ներկայում հազիվ թե որեւէ ուժ իրապես ցանկանա ստանձնել կառավարումը եւ ըստ այդմ եռակողմ հայտարարության դրույթների իրականացումը, որը կայացվել է Ռուսաստանի հովանու ներքո: Մյուս կողմից, Փաշինյանի կառավարության պահպանումը նշանակում է այդ դրույթների կատարում՝ դրանից բխող հետեւանքներով:
1
2
3
4
5
1
2
3
4
5
1
3
4
