Պուտինը պատրաստվում է հեռանա՞լ

Պետդումա օրինագիծ Է ներկայացվել պետության նախկին ղեկավարի անձեռնմխելության վերաբերյալ՝ անկախ նախագահության ժամանակաշրջանից: Այդ մասին, ինչպես տեղեկացնում Է «Արմենպրես»-ը, ՌԻԱ Նովոստիին հայտնել Է Դաշնային խորհրդի սահմանադրական օրենսդրության կոմիտեի նախագահ Անդրեյ Կլիշասը:

Այժմ նախկին ղեկավարին չի կարելի քրեական կամ վարչական պատասխանատվության ենթարկել այն գործողության համար, որը նրա կողմից կատարվել Է նախագահական լիազորությունները կատարելու ժամանակ: Նրան նաեւ չի կարելի բռնել, կալանավորել, խուզարկել, հարցաքննել կամ հետեւել, եթե գործերը կապված են երկրի ղեկավարի պարտականությունների հետ: Օրինագիծը բացառում Է հակաիրավական գործողությունների կատարման ժամկետների մատնանշումը: Այսպիսով, ընդլայնվում Է նախագահի անձեռնմխելության երաշխիքների գործողության ժամանակավոր ոլորտը, որը դադարեցրել Է նրա լիազորությունների կատարումը»,-պարզաբանել Է Կլիշասը: Նախագիծը փոխում Է անձեռնմխելիությունից զրկելու գործընթացը: Այժմ նախկին նախագահը կարող Է այն կորցնել, եթե նրա դեմ պետության ղեկավարի լիազորությունների կատարման ժամանակ ծանր հանցագործության մասին քրեական գործ Է հարուցվում:

Գործընթացը պետք Է նախաձեռնի Հետաքննչական կոմիտեի նախագահը: Դրա համար նա պարտավոր Է Պետդումա ուղարկել համապատասխան փաստաթուղթը: Ըստ նոր նախագծի, նախկին նախագահին անձեռնմխելիությունից կարող Է զրկել Դաշնային խորհուրդը եւ միայն պետական դավաճանության կամ «այլ ծանր հանցագործություն կատարելու մեջ Պետդումայի կողմից առաջադրված մեղադրանքի հիման վրա: Դրանից հետո մեղադրանքը պետք Է հաստատեն Գերագույն եւ Սահմանադրական դատարանները: Մեղադրանք առաջադրելու մասին Պետդումայի որոշումը եւ անձեռնմխելիությունից զրկելու մասին Դաշնային խորհրդի որոշումը պետք Է ընդունի երկու պալատների խորհրդարանականների ընդհանուր թվի երկու երրորդը՝ պատգամավորների առնվազն մեկ երրորդի նախաձեռնությամբ: Նախագահին պաշտոնից հեռանցնելու կամ պետության ղեկավարին անձեռնմխելիությունից զրկելու մասին Դաշնային խորհրդի որոշումը պետք Է ընդունվի ոչ ուշ, քան մեղադրանք առաջադրելուց հետո եռամսյա ժամկետում, հաղորդել Է ՌԻԱ Նովոստին:

Ռուսական փորձագիտական շրջանակներում տեսակետներ կան, որ Պուտինը հունվարին հայտարարելու է իշխանության տրանզիտի մեկնարկի մասին եւ չի բացառվում, որ ժամկետից շուտ թողնի նախագահի պաշտոնը, զբաղեցնելով օրինակ Պետխորհրդի կամ ցմահ սենատորի պաշտոն: Պետության նախկին ղեկավարի անձեռնմխելիության վերաբերյալ նոր օրինագիծը կարծես թե միտված է նրա համար անվտանգության երաշխիքների ապահովմանը: