Ուշքի՛ եկեք, եթե անհրաժեշտ լինի, շարունակելու ենք խփել ավելի մեծ քաղաքների. Արայիկ Հարությունյան
Բաց մի թողեքԱյսօր առաջին անգամ իմ հրամանով Արցախի զինված ուժերի ստորաբաժանումները հրթիռային համազարկ են տվել Գանձակ քաղաքին։ Այս մասին այսօր՝ հոկտեմբերի 4–ին իր տեսաուղերձում ասել է Արցախի Հանրապետության նախագահ Արայիկ Հարությունյանը։
«Հակառակորդն արդեն մի քանի օր ռմբակոծում է բնակավայրերը, այդ թվում՝ Ստեփանակերտը՝ տարբեր ամենաժամանակակից հեռահար հրթիռային համակարգերով։ Ամեն վայրկյան Ստեփանակերտի գլխին պտտվում են անօդաչու տարբեր սարքեր, եւ չեն դադարում հրթիռակոծել Ստեփանակերտը։ Եվ այսօր առաջին անգամ իմ հրամանով Արցախի զինված ուժերի ստորաբաժանումները հրթիռային համազարկ են տվել Գանձակ քաղաքին։ Զգուշացրել էի ժամանակին։ Ափսոսում եմ, որ մեր պատմական Գանձակին՝ Գյանջային՝ Կիրովաբադին, նրանց զինվորական մշտական տեղակայման վայրերին խփել ենք, խփել ենք, որովհետեւ նրանք են պարտադրել։ Ուշքի՛ եկեք, որովհետեւ շարունակելու ենք այլ քաղաքների, եւ եթե անհրաժեշտություն լինի ավելի մեծ քաղաքների։ Այդ կրակը եղել է նախազգուշացման կրակ։ Հրամայել եմ՝ որոշ ժամանակ դադարեցնել խոշոր քաղաքների հրթիռակոծությունն եւ հրետանակոծությունը՝ ժամանակ տալով հակառակորդին։
Դուք եք սկսել այս պատերազմը, դուք եք առաջին հերթին խախտել հումանիզմի կանոնները՝ թիրախավորելով խաղաղ բնակչությանը։ Ժամանակ ունեք, մտածեք։ Շարունակելու ենք մինչև վերջ, մինչև վերջին զինվորը, մարդը պատրաստ ենք զոհվելու»,– ասաց նա։
1
2
3
4
5
1
2
4
5
1
2
3
4
